Пра праграму
Спецыяльнасць 1-26 02 76 «Маркетынг»
Маркетынг – гэта адзін з ключавых працэсаў любой сучаснай арганізацыі. Спецыялісты па маркетынгу адказваюць за правядзенне рынкавых даследаванняў, пошук патэнцыяльных кліентаў, выяўленне іх патрэбаў і перавагаў, сегментаванне і адбор мэтавых сегментаў рынку, пазіцыянаванне арганізацыі і яе асобных прадуктаў, фарміраванне таварнага асартыменту, стварэнне і “раскрутку” брэнда, усталяванне сістэмы цэнаў і зніжак, распрацоўку сродкаў прасоўвання і камунікацыйнага ўздзеяння на спажыўца, “канструяванне” каналаў размеркавання і дастаўкі прадукцыі да пакупніка.
Прафесійная перападрыхтоўка па спецыяльнасці 1-26 02 76 «Маркетынг» будзе спрыяць развіццю навыкаў, якія дазваляюць ажыццяўляць аналіз, каардынацыю і рэгуляванне дзейнасці ўсіх структураў прадпрыемства з улікам зменаў у навакольным асяроддзі, даследаваць рынак, яго кан’юнктуру, патрэбы і попыт, іх дынаміку і ў адпаведнасці з гэтым вызначаць стратэгіі прадпрыемства ва ўмовах канкурэнцыі, рыхтаваць прапановы па развіцці таварнага асартыменту, вызначаць цэнавую палітыку, выбіраць каналы размеркавання з улікам фактараў, якія ўплываюць на збыт (продажы) тавару, фарміраваць камунікацыйную палітыку, прымаць удзел у распрацоўцы праграмаў стратэгічнага і аператыўнага планавання, вызначаць эфектыўнасць маркетынгавай дзейнасці.
Належны маркетынг дазваляе павысіць выніковасць узаемадзеяння ўсіх структурных падраздзяленняў арганізацыі, спрыяе вытворчасці запатрабаванай на рынку прадукцыі, росту даходнасці і зніжэнню гаспадарчых рызык. У сувязі з гэтым, праблема падрыхтоўкі высокакваліфікаваных спецыялістаў-маркетолагаў асабліва актуальная. Попыт на гэтых спецыялістаў на рынку працы традыцыйна высокі.
Выпускнікі гэтай спецыяльнасці могуць паспяхова:
- распрацоўваць стратэгію маркетынгу арганізацыі, меры па вытворчасці тавараў і аказанні паслугаў, маркетынгавае абгрунтаванне стварэння новага прадукту;
- праводзіць маркетынгавыя даследаванні і працу па эканамічным і маркетынгавым планаванні;
- праектаваць працэсы, прымяняць эфектыўныя метады аналізу і ацэнкі маркетынгавай дзейнасці;
- планаваць камунікацыйную і гандлёва-закупачную дзейнасць, збытавую палітыку арганізацыі;
- кіраваць таварарухам і праводзіць працу па ўкараненні інавацый у маркетынгавую дзейнасць.
Форма атрымання адукацыі: завочная.
Тэрмін навучання:1 год 6 месяцаў.
У тым ліку:
- аўдыторныя заняткі (у тым ліку бягучыя атэстацыі) – 14 тыдняў;
- самастойная праца – 63 тыдня.
Пачатак навучання: па меры фарміравання групаў.
Выніковая атэстацыя: дзяржаўны іпыт па дысцыплінах:
- Маркетынгавыя даследаванні;
- Маркетынгавыя камунікацыі.
Кваліфікацыя, якая прысвойваецца: маркетолаг.
Кожнаму слухачу выдаецца электронны камплект вучэбна-метадычнага матэрыялу па адпаведнай тэматыцы.
Парадак залічэння
Пералік дакументаў, неабходных для залічэння:
Для асобаў, якія маюць вышэйшую адукацыю:
- заява ўстаноўленага ўзору;
- копія дыплома аб вышэйшай адукацыі з дадаткам (выпіска з залікова-экзаменацыйнай ведамасці);
- накіраванне арганізацыі або прадпрыемства (для грамадзянаў, якія цалкам аплачваюць навучанне з асабістых сродкаў, накіраванне не патрабуецца);
- 3 фатаграфіі 3х4.
Для студэнтаў старэйшых курсаў дзённай формы навучання:
- заява ўстаноўленага ўзору з візай прарэктара па вучэбнай працы;
- даведка з дэканата;
- 3 фатаграфіі 3х4.
Дакументы прымаюцца ў аўд. 122, 126 галоўнага корпуса Полацкага дзяржаўнага ўніверсітэта па адрасе: г. Наваполацк, вул. Блахіна, 29.
Кантакты
Кафедра эканомікі
вул. Блахіна, 29, каб. 122, 126
211446, Віцебская вобл., г. Наваполацк,
+375 214 59-95-54, +375-29-719-86-26
Рэжым працы:
панядзелак – пятніца
8.00 – 12.30; 13.15 – 16.45
Інстытут павышэння кваліфікацыі і перападрыхтоўкі кадраў
вул. Блахіна, 29, каб. 260
211446, Віцебская вобл., г. Наваполацк,
+375 214 50-57-30, +375 719-34-58