У ліпені 2001 г. на тэрыторыі Глыбоцкага р-на сіламі выкладчыкаў і студэнтаў гісторыка-філалагічнага факультэта ПДУ была праведзена стацыянарная этнаграфічная экспедыцыя (кіраўнік У.А. Лобач).
Геаграфія экспедыцыі
Палявымі даследаваннямі былі ахоплены наступныя населеныя пункты: вв. Бабруйшчына, Баяры, Вострава, Дабрэзіна, Залесная, Калечполле, Латышы, Лявонавічы, Маргі, Перавоз, Перадолы, Псуя, Слабодка.
Прадметная поле даследаванняў і вынікі
Пад час правядзення экспедыцыі быў зафіксаваны значны аб’ём матэрыялаў па вуснай гісторыі міжваеннага перыяду (1921-1939 гг.) і ІІ Сусветнай вайны, знахарскіх практыках і замоўнай традыцыі, сямейных і каляндарных рытуалах вясковага насельніцтва рэгіёна, уключна з абрадавым песенным фальклорам, інфармацыя па сакральнай і легендарнай геаграфіі (даследаваны феномен ушанавання Янавай крыніцы ў в. Бабруйшчына, выяўлены “Галодныя могілкі” ля вв. Бабруйшчына і Перавоз, запісаны паданні адносна іх), звесткі пра чарадзейства і традыцыйную матэрыяльную культуру раёна.