Полоцкий государственный университет

Полацкі
дзяржаўны
ўніверсітэт

Формула спецыяльнасці

Матэрыялазнаўства (па галінах) – вобласць навукі і тэхнікі, прадметам даследаванняў якой з’яўляюцца заканамернасці фарміравання эксплуатацыйных уласцівасцяў матэрыялаў (механічных, тэрмічных, хімічных, электрычных, магнітных, аптычных і інш.) рознага прызначэння ў залежнасці ад складу, структуры, тэхналогіі вытворчасці і рэжымаў эксплуатацыі гэтых матэрыялаў, а таксама аптымізацыя эксплуатацыйнай надзейнасці матэрыялаў у інтэнсіўных і энергазберагальных тэхналогіях, ва ўмовах выкарыстання новых відаў сыравіны.

Аб’ектам даследавання ў матэрыялазнаўстве з’яўляюцца – арганічныя і неарганічныя матэрыялы канструкцыйнага або тэхналагічнага прызначэння ў цвёрдым, вадкім або газападобным стане, уключаючы прыродныя і сінтэтычныя палімеры, у тым ліку другасныя і іх сумесі, шкло і кераміку, валакністыя і плёнкаўтваральныя матэрыялы, а таксама кампазіцыі названых матэрыялаў, у тым ліку з металамі і іншымі матэрыяламі мінеральнага, жывёльнага ці расліннага паходжання.

Пры заканчэнні аспірантуры прысвойваецца навуковая кваліфікацыя “Даследчык” у галіне тэхнічных навук.

Галіна навукі, па якой прысуджаюцца вучоныя ступені – тэхнічныя.

Асобам, якія паспяхова абаранілі дысертацыю ў савеце па абароне дысертацый і пры прыняцці Прэзідыумам Вышэйшай атэстацыйнай камісіі Рэспублікі Беларусь рашэння аб зацвярджэнні рашэння савета па абароне дысертацый, прысуджаецца вучоная ступень кандыдата тэхнічных навук і выдаецца дыплом кандыдата тэхнічных навук.

Кантакты: кафедра аўтамабільнага транспарту +375 214 59-95-39