Пра спецыяльнасць
Спецыяльнасць 1-21 05 06 «Рамана-германская філалогія (англійская)»
Факультэт: гуманітарны факультэт (ГФ)
Кафедра, якая выпускае: кафедра сусветнай літаратуры і замежных моваў
Чаму на выкладчыка замежных моваў трэба вучыцца ў ПДУ?
Вучоба ў межах гэтай спецыяльнасці прадугледжвае глыбокае вывучэнне сучасных моваў Заходняй Еўропы і Амерыкі, замежнай літаратуры ад антычнасці да нашых дзён, культуры замежных краін. Спецыялісты атрымліваюць прафесійную філалагічную падрыхтоўку: вывучаюць мінімум дзве замежныя мовы, авалодваюць літаратурай на мове, якую вывучаюць. Студэнты маюць магчымасць вывучаць трэцюю замежную мову. Праграма навучання перакладу пацягваецца з 2 па 4 курсы, дае базу тэорыі і фармуе практычныя навыкі пісьмовага і вуснага перакладу ў розных сферах камунікацыі.
Выпускнік, якія атрымаў адукацыю ў межах гэтай спецыяльнасці, вольна валодае дзвюма і больш мовамі, можа весці падрыхтоўку спецыялістаў па замежнай мове. Грунтоўная лінгвістычная і літаратуразнаўчая падрыхтоўка дазваляе працаваць перакладчыкам, які мае справу з вуснай і пісьмовай мовай, весці тэарэтычныя і прыкладныя даследаванні, ажыццяўляць літаратурна-рэдакцыйную дзейнасць у выдавецтвах і СМІ.
Кваліфікацыя, якая прысвойваецца: Філолаг. Выкладчык замежных моваў і літаратур (англійская, нямецкая / французская). Перакладчык.
Формы навучання:
- дзённая – 4 гады
Спецыяльнасць «Рамана-германская філалогія»
«У 2008 годзе мне пашчасціла стаць студэнткай ПДУ і апынуцца ў складзе так званых “першаадкрывальнікаў”: ва ўніверсітэце уводзілася цалкам новая спецыяльнасць – “Рамана-германская філалогія”. Ніхто (у тым ліку выкладчыкі) не ведаў, што атрымаецца з гэтага эксперыменту, але нас гэтая невядомасць прыцягвала як магніт. У год нашага паступлення сваю работу ва ўніверсітэце пачала лектар Германскай службы акадэмічных абменаў (DAAD) Штэфані Ланге. Пазней мы пазнаёміліся з Ларсам Ендрайцікам. Заняткі з носьбітамі мовы сталі вельмі каштоўным вопытам для кожнага студэнта!
«У 2012 годзе я стала студэнткай гісторыка-філалагічнага факультэта, спецыяльнасці “Рамана-германская філалогія” Полацкага дзяржаўнага ўніверсітэта. Гэтая спецыяльнасць дае магчымасць цудоўна вывучыць замежныя мовы (англійскую, нямецкую, французскую і нават шведскую), а таксама заглыбіцца ў свет літаратуры. Падчас вучобы можна паўдзельнічаць у розных міжнародных стыпендыяльных праграмах. Мне пашчасціла стаць стыпендыятам праграмы Шведскага інстытута і вывучаць шведскую мову ў народнай школе горада Аксваль. Таксама разам са студэнтамі і выкладчыкамі кафедры сусветнай літаратуры і замежных моваў мы сталі ўдзельнікамі “Майскай школы” ў Даўгаўпілсе (Латвія), дзе слухалі курсы па літаратуры і англійскай мове. На кафедры працуюць высокакваліфікаваныя выкладчыкі, а таксама кожны год прыязджаюць лектары з Германіі і ЗША, якія актыўна ўдзельнічаюць у навучальным працэсе і жыцці ўніверсітэта. Спецыяльнасць “Рамана-германская філалогія” – гэта выдатная магчымасць авалодаць замежнымі мовамі і літаратурамі, а таксама атрымаць тыя самыя неабходныя веды, якія дапамогуць у будучай прафесіі філолага, выкладчыка замежных моваў і літаратур, а таксама перакладчыка.»
