Пра спецыяльнасць
Спецыяльнасць 1-70 02 02 «Экспертыза і кіраванне нерухомасцю»
Факультэт: інжынерна-будаўнічы факультэт (ІБФ)
Кафедра, якая выпускае: кафедра будаўнічай вытворчасці
Нерухомасць з’яўляецца базавай асновай жыццядзейнасці чалавека і грамадства і ў цэлым мае патрэбу ў разумнай сістэме эфектыўнага кіравання або менеджменту. Спецыяльнасць «Экспертыза і кіраванне нерухомасцю» ажыццяўляе падрыхтоўку да дзейнасці, звязанай са стварэннем, рэканструкцыяй, змяненнем капітальнага збудавання ці зямельнага ўчастку, што прыводзіць да павелічэння іх вартасці.
Інжынеры-спецыялісты па нерухомасці запатрабаваныя ў сістэме дзяржаўнай і выканаўчай улады, у камерцыйных і некамерцыйных арганізацыях, звязаных з развіццём і эксплуатацыяй нерухомасці (зямельны дэвелапмент, дэвелапмент будынкаў і збудаванняў, эксплуатацыя нерухомасці), інвестыцыйна-будаўнічых кампаніях, кіруючых і кансалтынгавых кампаніях у сферы стварэння і эксплуатацыі аб’ектаў нерухомасці, рыэлтарскіх агенцтвах і інш.
Кваліфікацыя, якая прысвойваецца: інжынер-спецыяліст па нерухомасці
Формы навучання:
У 2019 годзе на дадзеную спецыяльнасць прымаюцца толькі замежныя грамадзяне (для грамадзянаў РБ набору няма).
Кім і дзе я магу працаваць?
Кім я магу працаваць:
- інжынерам;
- інжынерам па наладцы і выпрабаваннях;
- інжынерам па рамонце абсталявання, будынкаў і збудаванняў;
- інжынерам праектна-каштарыснага бюро;
- майстрам будаўнічых і мантажных работ.
Дзе я магу працаваць:
- будаўнічыя падрадныя і субпадрадныя арганізацыі;
- праектныя арганізацыі;
- упраўленні, аддзелы капітальнага будаўніцтва прадпрыемстваў;
- службы жыллёва-камунальнай гаспадаркі;
- аддзелы выканкамаў па будаўніцтве;
- аддзелы рэгістрацыі нерухомасці прадпрыемстваў;
- агенцтвы па дзяржрэгістрацыі і зямельным кадастры;
- арганізацыі, якія ажыццяўляюць функцыі замоўцы;
- рыэлтарскія арганізацыі.
Выпускнік можа паспяхова вырашаць наступныя прафесійныя задачы:
- экспертыза, інспектаванне, ацэнка нерухомасці і нематэрыяльных актываў;
- ацэнка вартасці прадпрыемстваў (бізнесу), зямлі, машын, абсталявання, транспартных сродкаў;
- кіраванне праектамі развіцця нерухомасці на розных стадыях жыццёвага цыклу;
- кіраванне выкананнем рамонтна-будаўнічых работ;
- даследаванне і інспектаванне тэхнічнага стану асобных канструктыўных элементаў будынкаў і збудаванняў на стадыі іх эксплуатацыі;
- кіраванне дзяржаўнай маёмасцю;
- кіраванне эксплуатацыяй нерухомай маёмасці;
- выкарыстанне сучаснага інфармацыйнага праграмнага забеспячэння у інжынерна-эканамічных разліках;
- арганізацыя самаадукацыі і павышэнне кваліфікацыі.
Дысцыпліны, якія вывучаюцца
Дысцыпліны інжынерна-эканамічнага профілю:
- будаўнічае матэрыялазнаўства;
- архітэктура;
- тэхналогія будаўнічай вытворчасці;
- арганізацыя і кіраванне ў будаўніцтве;
- механіка грунтоў, асновы і падмуркі;
- жалезабетонныя і каменныя канструкцыі;
- канструкцыі з дрэва і пластмас;
- рэканструкцыя будынкаў і збудаванняў;
- эксплуатацыя і абслугоўванне аб’ектаў нерухомасці;
- бухгалтарскі ўлік і падаткаабкладанне;
- фінансы, грашовы абарот і іпатэка;
- эканоміка нерухомасці;
- планаванне і кантролінг.
Дысцыпліны экспертна-ацэначнага профілю:
- ацэнка аб’ектаў нерухомасці;
- ацэнка машын, абсталявання і нематэрыяльных актываў;
- ацэнка бізнесу;
- кадастр і ацэнка зямельнай уласнасці;
- экспертыза і інспектаванне нерухомасці.
Дысцыпліны арганізацыйна-кіраўнічага профілю:
- менеджмент;
- маркетынг;
- кіраванне праектам;
- кіраванне нерухомасцю;
- прававое рэгуляванне нерухомасці;
- асновы рыэлтарскай дзейнасці.
Віды практыкі
- Азнаямленчая;
- Будаўнічая;
- Тэхналагічная;
- Арганізацыйная;
- Пераддыпломная.
Уступныя іспыты
Дзённая форма навучання (5 гадоў):
- Беларуская (руская) мова (ЦТ)
- Фізіка (ЦТ)
- Матэматыка (ЦТ)
У 2019 годзе на дадзеную спецыяльнасць прымаюцца толькі замежныя грамадзяне (для грамадзянаў РБ набору няма).
Больш падрабязную інфармацыю можна знайсці на старонцы прыёмнай камісіі.
Водгукі
«Навучанне ў Полацкім дзяржаўным універсітэце дае не толькі цудоўныя магчымасці атрымання якаснай адукацыі, але і навыкі, якія дазваляюць быць запатрабаваным на рынку працы».
Баярына Алена Анатольеўна,
год выпуску 2010,
Спецыяліст па арганізацыі закупак, ААТ “Нафтан”
«Я ўдзячны Полацкаму дзяржаўнаму ўніверсітэту за тое, што я атрымаў усе магчымасці раскрыць і развіваць свае здольнасці. Менавіта вучоба ва ўніверсітэце стала стартавым трамплінам для пачатку маёй далейшай прафесійнай дзейнасці. Я вельмі ўдзячны ўсім выкладчыкам, з якімі мне давялося сутыкнуцца ў працэсе навучання, бо кожны з іх зрабіў унёсак у станаўленне мяне як спецыяліста і проста чалавека».
Ляхаў Сяргей Міхайлавіч,
год выпуску 2010,
Ацэншчык нерухомасці ІІ катэгорыі РУП “Віцебскае агенцтва па дзяржаўнай рэгістрацыі і зямельным кадастры”, Полацкі філіял
