Пра спецыяльнасць
Спецыяльнасць «Турызм і гасціннасць»
Факультэт: гуманітарны факультэт (ГФ)
Кафедра, якая выпускае: кафедра гісторыі і турызму
Навучанне на спецыяльнасці дазваляе атрымаць веды і ўменні, неабходныя для кампетэнтнага ажыццяўлення турыстычнай дзейнасці. Вялікая ўвага надаецца фармаванню навыкаў работы з турыстычнай дакументацыяй, навучанню тэхналогіі стварэння, прасоўвання і рэалізацыі турыстычнага прадукту, вывучэнню методыкі арганізацыі і правядзення экскурсій. У праграму навучання ўключана вывучэнне дзвюх замежных моваў.
У працэсе праходжання вучэбных і вытворчых практык студэнты адпраўляюцца ў спартовыя і рэкрэацыйна-аздараўленчыя паходы, наведваюць турыстычныя вытавы, гатэлі, стажыруюцца на турыстычных прадпрыемствах. Студэнты бяруць непасрэдны ўдзел у турыстычных выставах, экскурсійна-анімацыйных праектах і культурна-забаўляльнай дзейнасці Полацкага дзяржаўнага ўніверсітэта, маюць магчымасць атрымаць практычныя навыкі ў турыстычным цэнтры ПДУ.
Кваліфікацыя, якая прысвойваецца: спецыяліст у сферы турызму і гасціннасці
Формы навучання:
- дзённая – 4 гады
У 2019 годзе на гэтую спецыяльнасць прымаюцца толькі замежныя грамадзяне (для грамадзянаў РБ набору няма).
«Спецыяльнасць “Турызм і гасціннасць” прывабіла мяне адразу. Я чакала ад навучання мноства цікавых прадметаў, практычнага досведу, пашырэння кругагляду і ўсё гэта атрымала ў ходзе навучання. На працягу 4 гадоў мы вывучалі асновы турыстычнай дзейнасці і яе спецыфіку, а таксама даведаліся, як адкрыць уласнае турыстычнае прадпрыемства, якая для гэтага патрэбная дакументацыя, як гэтае прадпрыемства павінна функцыянаваць, развівацца, фармаваць, прасоўваць і рэалізоўваць турыстычны прадукт. Асабліва цікавымі былі прадметы: менеджмент якасці ў індустрыі гасціннасці, асновы арганізацыі турыстычнай дзейнасці, маркетынг, эканоміка і дакументацыйнае забеспячэнне турыстычнай дзейнасці. Вялікі блок быў адведзены вывучэнню ўсіх аспектаў дзейнасці не толькі тураператараў і турагентаў, але таксама прадпрыемстваў гатэлевага тыпу, прадпрыемстваў грамадскага харчавання і рэстараннага бізнесу. На маю думку, гэта вялікі плюс спецыяльнасці – вывучэнне усіх магчымых напрамкаў турыстычнай дзейнасці і галіны ў цэлым. Па заканчэнні навучання студэнты становяцца спецыялістамі шырокага профілю ў сферы турызму. Яшчэ адна перавага гэтай спецыяльнасці – гэта вывучэнне дзвюх замежных моваў. Хочацца таксама адзначыць, што выкладаюць дысцыпліны цудоўныя выкладчыкі. Радуе, што практыка-арыентаваныя прадметы выкладаюць спецыялісты з рэальным досведам працы ў турыстычнай сферы»
