Полоцкий государственный университет

Полацкі
дзяржаўны
ўніверсітэт

26 студзеня 2013г. у фае актавай залі Полацкага калегіума адбыўся майстар-клас па традыцыйных беларускіх танцах пад кіраўніцтвам Сяргея Выскваркі. Мерапрыемства было арганізаванае па ініцыятыве ўдзельнікаў фальклёрнага гурта “Варган” гісторыка-філалагічнага факультэта ПДУ.

Сяргей Выскварка – спецыяліст па традыцыйным танцавальным этыкеце і манеры выканання танцаў, якіх ён ведае за 90, не ўлічваючы шматлікіх варыянтаў іх выканання. Па словах харэографа, “такое багацце прынеслі больш як 20 гадоў пошукавай працы па рэгіёнах краіны”.

Сяргей Выскварка

Сяргей Выскварка

І вось у Полацкім дзяржаўным універсітэце адбылася цёплая сустрэча аматараў традыцыйнага танца. Сам Сяргей Георгіевіч характарызуе мерапрыемства наступным чынам: “Мая мэта – паказаць прыгажосць традыцыйнага беларускага танца, падкрэсліць менавіта традыцыйнасць танца, перадаць яго асаблівасці, яго манеру, яго жыццё ў сучасным асяродку”.

Майстар-клас па беларускіх традыцыйных танцах

Майстар-клас па беларускіх традыцыйных танцах

Сяргей Выскварка з’яўляецца мастацкім кіраўніком узорнага фальклёрнага калектыву “Верабейкі” (г.Любань). Пад яго кіраўніцтвам у 2011 годзе ладзіліся танцавальная школа “Пятровіца” і рэгіянальны фестываль народнай культуры “Пятроўскі фэст”.

Карэспандэнт сайта Ірына Шыпко