Прамысловае і грамадзянскае будаўніцтва
Кваліфікацыя, якая прысвойваецца: інжынер-будаўнік
Формы навучання: дзённая – 4 гады, завочная скарочаная – 4 гады
Формы навучання: дзённая – 4 гады, завочная скарочаная – 4 гады
Галіна будаўніцтва мяняецца хутка, як і ўвесь сучасны свет. Удасканальваюцца будаўнічыя матэрыялы, канструкцыі і тэхналогіі. Ад спецыялістаў патрабуецца не толькі высокі ўзровень прафесійнай падрыхтоўкі, але таксама творчае мысленне, уменне працаваць у камандзе. За падрыхтоўку інжынераў-будаўнікоў новага пакалення, здольных ажыццяўляць арганізацыйна-кіраўніцкую, праектную, навукова-даследчую і інавацыйную дзейнасць, адказвае спецыяльнасць «Прамысловае і грамадзянскае будаўніцтва».
Праграма спецыяльнасці ўключае вывучэнне ўсіх этапаў пабудовы будынкаў і збудаванняў – ад стварэння праекта да здачы аб'екта ў эксплуатацыю. У аснове навучання праектаванню ляжыць тэхналогія інфармацыйнага мадэлявання. Студэнты вучацца ствараць віртуальныя трохмерныя мадэлі будынкаў і кіраваць імі для скарачэння тэрмінаў рэалізацыі праекта, спрашчэння эксплуатацыі збудаванага аб'екта і падаўжэння тэрміну яго службы.
Практычную падрыхтоўку будучыя спецыялісты атрымліваюць падчас вытворчых практык, якія праходзяць на базе перадавых будаўнічых арганізацый і будаўнічых атрадаў. Выпускнікі спецыяльнасці могуць займацца распрацоўкай праектна-каштарыснай дакументацыі, пабудовай будынкаў, рэканструкцыяй і эксплуатацыяй аб'ектаў прамысловага і грамадзянскага прызначэння.
Вы навучыцеся
- разлічваць і праектаваць будаўнічыя канструкцыі
- распрацоўваць інфармацыйную мадэль будынка
- вызначаць уласцівасці і вобласць ужывання будаўнічых матэрыялаў
- узводзіць будынкі і збудаванні рознага прызначэння
- распрацоўваць праектную і арганізацыйна-тэхналагічную дакументацыю
- арганізоўваць вытворчую дзейнасць і кіраваць працоўнымі калектывамі
- кіраваць праектамі ў будаўніцтве
- праводзіць эксперыментальныя даследаванні новых будаўнічых канструкцый і матэрыялаў
Дзе можна працаваць ?
- будаўнічыя арганізацыі
- праектныя арганізацыі
- праўленні (аддзелы) капітальнага будаўніцтва
- службы жыллёва-камунальнай гаспадаркі
- прадпрыемствы па выпуску будаўнічых матэрыялаў і вырабаў
Асноўныя дысцыпліны
- Архітэктура
- Жалезабетонныя і каменныя канструкцыі
- Інжынерная геадэзія
- Інжынерныя сеткі і абсталяванне
- Канструкцыі з дрэва і пластмас
- Металічныя канструкцыі
- Метралогія і кантроль якасці ў будаўніцтве
- Механізацыя і аўтаматызацыя ў будаўніцтве
- Механіка грунтоў, асновы і падмуркі
- Арганізацыя і кіраванне ў будаўніцтве
- Асновы аўтаматызаванага праектавання ў будаўніцтве
- Праектаванне рэканструкцыі будынкаў і збудаванняў
- Супраціўленне матэрыялаў
- Будаўнічая механіка
- Будаўнічае матэрыялазнаўства
- Будаванне вышынных будынкаў і збудаванняў
- Тэарэтычная механіка
- Тэхналогія будаўнічай вытворчасці
- Кіраванне праектамі ў будаўніцтве
- Эканоміка будаўніцтва