Формула спецыяльнасці
Метады і сістэмы абароны інфармацыі, інфармацыйная бяспека – вобласць навукі і тэхнікі, у рамках якой распрацоўваюцца тэорыі, сістэмы, мадэлі, метады, а таксама праграмныя, апаратна-праграмныя, тэхнічныя сродкі абароны інфармацыі ў працэсе яе збору, захоўвання, апрацоўкі, перадачы і распаўсюджвання з выкарыстаннем інфармацыйных тэхналогій; даследуюцца навукова-тэхнічныя аспекты інфармацыйнай бяспекі аб’ектаў інфармацыйнай сферы.
Пры заканчэнні аспірантуры прысвойваецца навуковая кваліфікацыя “Даследчык” у галіне тэхнічных навук.
Галіна навукі, па якой прысуджаюцца вучоныя ступені – тэхнічныя.
Асобам, якія паспяхова абаранілі дысертацыю ў савеце па абароне дысертацый і пры прыняцці Прэзідыумам Вышэйшай атэстацыйнай камісіі Рэспублікі Беларусь рашэння аб зацвярджэнні рашэння савета па абароне дысертацый, прысуджаецца вучоная ступень кандыдата тэхнічных навук і выдаецца дыплом кандыдата тэхнічных навук.
Кантакты: кафедра энергетыкі і электронікі +375 214 59-95-73