Ахова працы на нафтахімічных і нафтаперапрацоўчых прадпрыемствах

Спецыяльнасць 1- 59 01 03 «Ахова працы на нафтахімічных і нафтаперапрацоўчых прадпрыемствах»

Ахова працы – сістэма забеспячэння бяспекі жыцця і здароўя працаўнікоў у працэсе працоўнай дзейнасці, якая ўключае прававыя, сацыяльна-эканамічныя, арганізацыйныя, тэхнічныя, псіхафізіялагічныя, санітарна-супрацьэпідэмічныя, лячэбна-прафілактычныя, рэабілітацыйныя і іншыя мерапрыемствы і сродкі.

Стварэнне бяспечных умоваў працы на вытворчасці ўсіх формаў уласнасці было і застаецца адным з галоўных прыярытэтаў. Найбольшай каштоўнасцю дзяржавы з’яўляецца чалавек. Гэта азначае, што для кожнага канкрэтнага працаўніка павінныя створацца бяспечныя ўмовы на вытворчасці, якія садзейнічаюць развіццю ўсіх яго здольнасцяў, забяспечваюць высокую прадукцыйнасць працы.

Ахова працы з’яўляецца важным складнікам любой вытворчасці, вызначаючы чалавека, як галоўную каштоўнасць, бо яго бяспека і добрае здароўе дазваляюць зрабіць вытворчы працэс больш выразным, што павышае рэнтабельнасць самога прадпрыемства.

Асноўнымі задачамі службы аховы працы (спецыяліста па ахове працы) з’яўляюцца:

• арганізацыя работы па ахове працы;
• ажыццяўленне кантролю за выкананнем заканадаўства па ахове працы.

Высокі ўзровень тэарэтычнай падрыхтоўкі, атрыманы ў працэсе навучання, і разуменне асноўных пытанняў аховы працы ў сучасных умовах працы, а таксама неабходнасць захавання здароўя і працаздольнасці чалавека ва ўмовах уздзеяння неспрыяльных фактараў вытворчага асяроддзя на нафтахімічных і нафтаперапрацоўчых прадпрыемствах, дазваляюць выпускнікам дадзенай праграмы перападрыхтоўкі вырашаць навукова-вытворчыя задачы і даводзіць іх рашэнне да ўзроўню практычнага прымянення.

Выпускнікі гэтай спецыяльнасці могуць:

• распрацоўваць, укараняць і ўдасканальваць сістэму кіравання аховай працы;
• ажыццяўляць каардынацыю дзейнасці структурных падраздзяленняў па забеспячэнні на кожным працоўным месцы ўмоваў працы, якія адпавядаюць патрабаванням па ахове працы;
• ажыццяўляць укараненне і прапаганду перадавога досведу і навуковых распрацовак па бяспецы і гігіене працы;
• арганізоўваць і ажыццяўляць інфармаванне і праводзіць тлумачальную працу з тымі, хто працуе па пытаннях аховы працы;
• ажыццяўляць кантроль за забеспячэннем патрабаванняў бяспекі і гігіены працы, выкананнем заканадаўства па працы і ахове працы, лакальных нарматыўных прававых актаў па пытаннях аховы працы.

 Адукацыйны стандарт праграмы

Форма атрымання адукацыі: завочная.

У працэсе атрымання адукацыі выкарыстоўваюцца элементы дыстанцыйнага навучання на базе платформы Google Classroom.

Тэрмін навучання: 1 год 10 месяцаў.

У тым ліку:

• аўдыторныя заняткі (у тым ліку бягучыя атэстацыі) – 14 тыдняў;
• самастойная праца – 65 тыдняў;
• стажыроўка – 3 тыдні.

Пачатак навучання: па меры фарміравання групаў.

Выніковая атэстацыя: абарона дыпломнай працы.

Кваліфікацыя, якая прысвойваецца:спецыяліст па ахове працы.

Залічэнне праводзіцца па выніках сумоўя.

Пералік дакументаў, неабходных для залічэння:

Для асобаў, якія маюць вышэйшую адукацыю:

• заява ўстаноўленага ўзору;
• копія дыплома аб вышэйшай адукацыі з дадаткам (выпіска з залікова-экзаменацыйнай ведамасці);
• накіраванне арганізацыі або прадпрыемства (для грамадзянаў, якія цалкам аплачваюць навучанне з асабістых сродкаў, накіраванне не патрабуецца);
• 3 фатаграфіі 3х4.

Для студэнтаў старэйшых курсаў дзённай формы навучання:

• заява ўстаноўленага ўзору з візай прарэктара па вучэбнай працы;
• даведка з дэканата;
• 3 фатаграфіі 3х4.

Пералік асноўных навучальных дысцыплінаў.

Гуманітарныя і сацыяльна-эканамічныя:

• асновы ідэалогіі беларускай дзяржавы;
• асновы псіхолагі;
• асновы менеджменту і кіраванне персаналам.

Агульнапрафесійныя:

• працоўнае заканадаўства Рэспублікі Беларусь;
• прававыя і эканамічныя асновы аховы працы;
• асновы метралогіі, стандартызацыі і сертыфікацыі;
• сучасныя інфармацыйныя тэхналогіі ў ахове працы;
• эрганамічныя асновы працоўных месцаў;
• страхаванне ад няшчасных выпадкаў на вытворчасці і прафесійных захворванняў;
• асновы экалагічнай бяспекі;
• інфармацыйныя тэхналогіі ў ахове працы;
• бяспека працаўнікоў арганізацыі ў надзвычайных сітуацыях.

Дысцыпліны спецыяльнасці:

• бяспека працы на нафтахімічных і нафтаперапрацоўчых прадпрыемствах;
• сістэма кіравання аховай працы ў арганізацыі;
• вытворчая санітарыя і гігіена працы на нафтахімічных і нафтаперапрацоўчых прадпрыемствах;
• пажарная бяспека на нафтахімічных і нафтаперапрацоўчых прадпрыемствах;
• арганізацыя працы спецыяліста па ахове працы.

Кафедра тэхналогіі і абсталявання перапрацоўкі нафты і газу

вул. Блахіна, 29, каб. 204, 309 (галоўны корпус)
211446, Віцебская вобл., г. Наваполацк

+375 214 59-95-62
+375 29 712-47-30 (МТС)
+375 44 727-58-21 (Velcom)

Рэжым працы:

панядзелак – пятніца
8.00 – 12.30; 13.15 – 16.45

Кіраўнік падраздзялення:

Бурая Ірына Уладзіміраўна

Адказны за перападрыхтоўку:

Харлашова Наталля Віктараўна

Інстытут павышэння кваліфікацыі і перападрыхтоўкі кадраў

вул. Блахіна, 29, каб. 260
211446, Віцебская вобл., г. Наваполацк,

+375 214 50-57-30, +375 719-34-58