Пра праграму
Спецыяльнасць 1-70 05 71 «Праектаванне і эксплуатацыя газаправодаў»
Магістральны трубаправодны транспарт – від транспарту, які ажыццяўляе перадачу на адлегласці вадкіх, газападобных або цвёрдых прадуктаў па трубаправодзе. Трубаправодны транспарт газу прызначаны для транспарціроўкі прыроднага газу.
Аб’ектамі прафесійнай дзейнасці спецыялістаў у галіне праектавання і эксплуатацыі газаправодаў з’яўляюцца праектна-канструктарская і рамонтна-эксплуатацыйная дзейнасць на магістральных газаправодах і газасховішчах.
Прафесійная перападрыхтоўка па спецыяльнасці 1-70 05 71 «Праектаванне і эксплуатацыя газаправодаў» спрыяе развіццю навыкаў, якія дазваляюць распрацоўваць праекты аб’ектаў трубаправоднага транспарту газу, захоўвання і размеркавання газу. Выпускнікі могуць паспяхова распрацоўваць тэхнічныя заданні па праекце на аб’ект трубаправоднага транспарту газу, захоўвання і размеркавання газу, з улікам вынікаў навукова-даследчых і вопытна-канструктарскіх працаў, ажыццяўляць аўтарскі нагляд за збудаваннем або рэканструкцыяй аб’екта газаправоднага трубаправоднага транспарту ў межах адпаведнай кампетэнцыі. Акрамя таго, праходжанне перападрыхтоўкі дазваляе ажыццяўляць рамонт аб’ектаў транспарту, захоўвання і размеркавання газу, весці мантаж, наладку, выпрабаванне машынаў і абсталявання газаправодаў, газасховішчаў, аўтазаправачных і газанапаўняльных станцый.
Выпускнікі гэтай спецыяльнасці могуць паспяхова выконваць:
- праектаванне асобных аб’ектаў і, у цэлым, сістэмаў трубаправоднага транспарту, захоўвання і размеркавання газу;
- збудаванне, мантаж, наладку, выпрабаванне, рамонт і тэхнічнае абслугоўванне аб’ектаў трубаправоднага транспарту, захоўвання і размеркавання газу;
- распрацоўку і асваенне новага абсталявання для будаўніцтва і рамонту трубаправоднага транспарту, захоўвання і размеркавання газу;
- ацэнку вынікаў, у тым ліку тэхніка-эканамічны аналіз працэсаў у будаўнічай дзейнасці.
Адукацыйны стандарт спецыяльнасці
Форма атрымання адукацыі: завочная.
Тэрмін навучання: 24 месяцы.
Пачатак навучання: па меры фарміравання групаў.
Выніковая атэстацыя: дзяржаўны іспыт і абарона дыпломнай працы.
Кваліфікацыя, якая прысвойваецца: інжынер-механік.
Кожнаму слухачу выдаецца электронны камплект вучэбна-метадычных матэрыялаў.
Парадак залічэння
Пералік дакументаў, неабходных для залічэння:
Для асобаў, якія маюць вышэйшую адукацыю:
- заява ўстаноўленага ўзору;
- копія дыплома аб вышэйшай адукацыі з дадаткам (выпіска з залікова-экзаменацыйнай ведамасці);
- накіраванне арганізацыі або прадпрыемства (для грамадзянаў, якія цалкам аплачваюць навучанне з асабістых сродкаў, накіраванне не патрабуецца);
- 3 фатаграфіі 3х4.
Для студэнтаў старэйшых курсаў дзённай формы навучання:
- заява ўстаноўленага ўзору з візай прарэктара па вучэбнай працы;
- даведка з дэканата;
- 3 фатаграфіі 3х4.
Дакументы прымаюцца ў аўд. 208, 214 галоўнага корпуса Полацкага дзяржаўнага ўніверсітэта па адрасе: г. Наваполацк, вул. Блахіна, 29.
Кантакты
Кафедра трубаправоднага транспарту і гідраўлікі
вул. Блахіна, 29, каб. 208, 214
211446, Віцебская вобл., г. Наваполацк,
+375 214 59-95-47
+375 214 59-95-51
+375 29 293-21-52
Рэжым працы:
панядзелак – пятніца
8.00 – 12.30; 13.15 – 16.45
Спірыдзёнак Людміла Міхайлаўна
Інстытут павышэння кваліфікацыі і перападрыхтоўкі кадраў
вул. Блахіна, 29, каб. 260
211446, Віцебская вобл., г. Наваполацк,
+375 214 50-57-30, +375 719-34-58