Падраздзяленне перападрыхтоўкі і павышэння кваліфікацыі па спецыяльнасці
«Прыкладная геадэзія і геадэзічнае забеспячэнне кадастра»
Кіраўнік падраздзялення - Шавялёў Ігар Паўлавіч, кандыдат тэхнічных навук, дацэнт.
Тэлефон: +375 214 53-70-47, 50-57-30, +375 29 597-21-61.
Падраздзяленне ажыццяўляе перападрыхтоўку па спецыяльнасці 1-56 02 71 «Прыкладная геадэзія і геадэзічнае забеспячэнне кадастра» на базе вышэйшай адукацыі.
Форма навучання: завочная, на платнай аснове.
Тэрмін навучання: 24 месяцы.
Па заканчэнні навучання выдаецца дыплом дзяржаўнага ўзору аб перападрыхтоўцы на ўзроўні вышэйшай адукацыі з прысваеннем кваліфікацыі інжынер-геадэзіст.
Пералік дакументаў, неабходных для залічэння:
Для асобаў, якія маюць вышэйшую адукацыю:
- заява ўстаноўленага ўзору;
- копія дыплома аб вышэйшай адукацыі з дадаткам (выпіска з залікова-экзаменацыйнай ведамасці);
- накіраванне арганізацыі або прадпрыемства (для грамадзянаў, якія цалкам аплачваюць навучанне з асабістых сродкаў, накіраванне не патрабуецца);
- 3 фатаграфіі 3х4.
Для студэнтаў старэйшых курсаў дзённай формы навучання:
- заява ўстаноўленага ўзору з візай прарэктара па вучэбнай працы;
- даведка з дэканата;
- 3 фатаграфіі 3х4.
Пералік асноўных навучальных дысцыплінаў:
- геадэзія і асновы інжынерных пошукаў;
- геадэзічнае забеспячэнне кадастраў;
- асновы зямельнага права і зямельных адносінаў;
- тэорыя матэматычнай апрацоўкі геадэзічных вымярэнняў;
- геадэзічная астраномія;
- оптыка-электронныя метады вымярэнняў;
- вышэйшая геадэзія;
- геадэзічнае інструментазнаўства і метралогія;
- матэматычная картаграфія;
- сучасныя тэхналогіі абнаўлення картматэрыялаў;
- прыкладная геадэзія;
- геадэзічная гравіметрыя;
- фотаграметрыі;
- касмічныя тэхналогіі ў геадэзіі;
- праца з сучаснымі праграмнымі прадуктамі па геадэзіі.
Заняткі па перападрыхтоўцы вядуць высокакваліфікаваныя выкладчыкі: прафесары (дактары тэхнічных навук), дацэнты (кандыдаты тэхнічных навук) і старэйшыя выкладчыкі. Увесь задзейнічаны ў перападрыхтоўцы прафесарска-выкладчыцкі склад мае вялікі досвед навукова-практычнай працы і цесна звязаны з сучасным геадэзічнай і будаўнічай вытворчасцю, уключаючы геадэзічнае суправаджэнне такіх унікальных будаўнічых аб’ектаў, як нацыянальная бібліятэка, канцэртны амфітэатр “Славянскі базар”, шматпрофільны культурна-будаўнічы комплекс “Мінск-Арэна”, а таксама выкананне перадпраектных геадынамічных даследаванняў у раёне каскада ГЭС на рацэ Заходняя Дзвіна.
Навучанне праводзіцца на базе кафедры геадэзіі і геаінфармацыйных сістэмаў Полацкага дзяржаўнага ўніверсітэта з выкарыстаннем сучасных мультымедыйных сродкаў навучання, камп’ютарных тэхналогій і сучасных геадэзічных прыбораў: электронных тахеометраў, электронных нівеліраў і спадарожнікавых GPS-прымачоў.
Павышэнне кваліфікацыі па геадэзіі для інжынерна-тэхнічных працаўнікоў
геадэзічных, будаўнічых арганізацый, прамысловых і энергетычных прадпрыемстваў.
Тэрмін навучання 1–2 тыдні з адрывам ад вытворчасці. Курсы могуць праводзіцца на базе ўніверсітэта і на базе прадпрыемства-замоўцы (пры ўмове наяўнасці на ім неабходных геадэзічных прыбораў і камп’ютарных сродкаў).
Навучальныя праграмы па курсах распрацоўваюцца з улікам пажаданняў Замоўцы.
Прыкладны пералік прапанаваных курсаў:
- Ужыванне геадэзічных метадаў у будаўніча-мантажнай вытворчасці.
- Праца з сучаснымі геадэзічнымі прыборамі (электроннымі тахеометрамі, лічбавымі і лазернымі нівелірамі, спадарожнікавай GPS-апаратурай, электроннымі далямерамі, гравіметрамі).
- Метралагічнае забеспячэнне геадэзічных прыбораў. Выпраўленне найпрасцейшых няспраўнасцяў прыбораў.
- Ужыванне геадэзічных метадаў пры будаўніцтве і эксплуатацыі лінейных збудаванняў.
- Назіранне за дэфармацыямі інжынерных аб’ектаў геадэзічнымі метадамі.
- Сучасныя праграмныя прадукты ў геадэзіі.
- Геадэзічнае суправаджэнне будаўніцтва ўнікальных збудаванняў.
Тэматыка курсаў можа быць пашыраная з улікам пажаданняў Замоўцы.
Па заканчэнні навучання на курсах асобам, якія паспяхова вытрымалым залік або іспыт, выдаецца пасведчанне аб павышэнні кваліфікацыі дзяржаўнага ўзору.
Месцазнаходжанне падраздзялення:
Новы корпус ПДУ, аўд. 307н, тэлефон +375 214 53-70-47.
Кантактныя асобы: Лузан Марына Маратаўна, Веліканец Людміла Алегаўна.