Падраздзяленне перападрыхтоўкі і павышэння кваліфікацыі
па спецыяльнасці «Тэхналогія перапрацоўкі нафты і газу»
Кіраўнік падраздзялення - Бурая Ірына Уладзіміраўна, кандыдат тэхнічных навук, дацэнт.
Тэлефон: +375 214 59-95-50, +375 29 719-88-07
Падраздзяленне перападрыхтоўкі і павышэння кваліфікацыі па спецыяльнасці «Хімічная тэхналогія вытворчасці і перапрацоўкі арганічных матэрыялаў» функцыянуе на базе кафедры хімічнай тэхналогіі паліва і вугляродных матэрыялаў у складзе факультэта інжынернага профілю ІПК ПДУ.
Асноўнай мэтай дзейнасці падраздзялення з’яўляецца: арганізацыя адукацыйнага працэсу, накіраванага на павышэнне ўзроўню прафесійнай кампетэнцыі работнікаў нафтаперапрацоўчых і нафтахімічных прадпрыемстваў.
Арганізаваныя наступныя формы навучання:
- перападрыхтоўка;
- павышэнне кваліфікацыі.
ПЕРАПАДРЫХТОЎКА
Перападрыхтоўка слухачоў на базе вышэйшай тэхнічнай адукацыі па спецыяльнасці 1-48 01 72 «Тэхналогія перапрацоўкі нафты і газу» праводзіцца на платнай аснове.
Формы і працягласць навучання:
- вочная (вячэрняя) – 1,5 годы,
- завочная – 2 гады.
Змест вучэбных планаў перападрыхтоўкі арыентаваны на актуальныя праблемы нафтаперапрацоўчай і нафтахімічнай прамысловасці і ўзгоднены з Міністэрствам адукацыі РБ і прадпрыемствамі канцэрна РБ “Белнафтахім” (ААТ “Нафтан”, ААТ “Мазырскі НПЗ” і інш.). Працэс навучання слухачоў улічвае шматлікія сувязі і дынаміку зменаў і патрэбаў галіны.
Вучэбным планам па спецыяльнасці 1-48 01 72 «Тэхналогія перапрацоўкі нафты і газу» прадугледжваецца навучанне слухачоў па 19 дысцыплінах.
Асноўныя дысцыпліны навучальнага плана:
Цыкл агульнанавуковых і агульнапрафесійных дысцыплінаў:
- тэарэтычныя асновы хіміі;
- арганічная хімія;
- фізічная хімія;
- фізіка-хімічныя метады аналізу нафты і нафтапрадуктаў.
Цыкл спецыяльных дысцыплінаў:
- працэсы і апараты хімічных вытворчасцяў;
- кіраванне якасцю і сертыфікацыя;
- аўтаматыка, аўтаматызацыя вытворчых працэсаў і АСК ТП;
- хімія нафты і газу;
- прымяненне ЭВМ у хімічнай тэхналогіі;
- эканоміка галіны;
- энергазберажэнне і энергетычны менеджмент;
- ахова працы і прамысловая бяспека;
- абсталяванне НПЗ;
- экалагічныя праблемы вытворчасці і прымянення нафтапрадуктаў;
- паверхневыя з’явы і дысперсныя сістэмы ў нафтаперапрацоўцы;
- тэхналогія перапрацоўкі нафты і газу;
- асновы тэхналогіі нафтахімічнага сінтэзу;
- спецкурс па тэхналогіі перапрацоўкі нафты і газу.
Навучальны працэс праводзяць высокакваліфікаваныя выкладчыкі ўніверсітэта, а таксама вядучыя спецыялісты арганізацый і прадпрыемстваў нафтаперапрацоўчай прамысловасці.
Лекцыйныя заняткі на высокім навукова-метадычным узроўні, у тым ліку з прыцягненнем мультымедыйных сродкаў, вядуць выкладчыкі, якія маюць вучоныя ступені і званні прафесараў і дацэнтаў.
Замацаванне тэарэтычных ведаў, фарміраванне прафесійных навыкаў, неабходных інжынерам-хімікам-тэхнолагам, ажыццяўляецца на лабараторных і практычных занятках.
Пры правядзенні заняткаў выкарыстоўваюцца разнастайныя формы і метады навучання:
- аналіз канкрэтных вытворчых сiтуацый;
- справавыя гульні;
- індывідуальныя кансультацыі;
- тэсціраванне;
- метад экспертных групаў;
- метад аспрэчвання меркаванняў.
Практыкуецца правядзенне выязных заняткаў, у праграму якіх уключаюцца актуальныя пытанні завадской практыкі:
- перспектывы развіцця хімічных тэхналогій у нафтаперапрацоўцы і нафтахіміі;
- сучасныя метады кантролю якасці сыравіны і атрыманай прадукцыі;
- рэсурса- і энергазберагальныя тэхналогіі;
- ахова навакольнага асяроддзя і прамысловая бяспека.
Вучэбным планам перападрыхтоўкі прадугледжваецца самастойная праца слухачоў, якая палягае ў выкананні рэфератаў, кантрольных работ і курсавых праектаў. Усе віды самастойнай працы слухачоў забяспечаныя неабходнымі вучэбна-метадычнымі матэрыяламі. Для правядзення тэхналагічных разлікаў слухачам прадастаўляецца камп’ютарны клас, абсталяваны сучасным праграмным забеспячэннем.
Падраздзяленне мае электронную базай кніг, навучальных дапаможнікаў і метадычных указанняў па агульнанавуковых і спецыяльных дысцыплінах, што дазваляе слухачам аператыўна атрымліваць неабходную інфармацыю. Таксама слухачам прадастаўляецца магчымасць карыстання матэрыяламі метадычнага кабінета факультэта і кніжным фондам бібліятэкі ўніверсітэта.
Слухачы, якiя выканалi ўсе патрабаваннi вучэбнага плана, атрымлiваюць дыплом аб перападрыхтоўцы дзяржаўнага ўзору РБ з прысваеннем кваліфікацыі «інжынер-хімік-тэхнолаг».
Пералік спецыяльнасцяў (шыфраў) базавай вышэйшай адукацыі слухачоў, які дазваляе ім праходзіць перападрыхтоўку па спецыяльнасці 1-48 01 72 «Тэхналогія перапрацоўкі нафты і газу»:
- Хімічныя навукі (31 05);
- Экалагічныя навукі (33 01);
- Абсталяванне (36);
- Транспарт (37);
- Прыборы (38);
- Энергетыка (43);
- Лясная прамысловасць (46);
- Хімічная прамысловасць (48);
- Горназдабыўная прамысловасць (51);
- Аўтаматызацыя (53);
- Забеспячэнне якасці (54);
- Ахова навакольнага асяроддзя (57);
- Будаўніцтва (70).
Пералік дакументаў, неабходных для залічэння:
Для асобаў, якія маюць вышэйшую адукацыю:
- заява ўстаноўленага ўзору;
- копія дыплома аб вышэйшай адукацыі з дадаткам (выпіска з залікова-экзаменацыйнай ведамасці);
- накіраванне арганізацыі або прадпрыемства (для грамадзянаў, якія цалкам аплачваюць навучанне з асабістых сродкаў, накіраванне не патрабуецца);
- 3 фатаграфіі 3х4.
Для студэнтаў старэйшых курсаў дзённай формы навучання:
- заява ўстаноўленага ўзору з візай прарэктара па вучэбнай працы;
- даведка з дэканата;
- 3 фатаграфіі 3х4.
КУРСЫ ПАВЫШЭННЯ КВАЛІФІКАЦЫІ
Падраздзяленнем павышэння кваліфікацыі і перападрыхтоўкі спецыялістаў нафтаперапрацоўчай і нафтахімічнай прамысловасці арганізавана навучанне на курсах па розных напрамках:
- Павышэнне кваліфікацыі спецыялістаў, якія забяспечваюць бяспеку выканання працаў на прадпрыемствах хімічнай і нафтаперапрацоўчай прамысловасці.
- Павышэнне кваліфікацыі спецыялістаў, якія знаходзяцца ў рэзерве для вылучэння на кіруючыя пасады.
- Павышэнне кваліфікацыі спецыялістаў комплексу каталітычнага крэкінгу (па замове ААТ “Мазырскі НПЗ”).
- «Метады кіравання якасцю нафты і нафтапрадуктаў».
- Навучанне «Новыя працэсы перапрацоўкі нафты і газу».
- Павышэнне кваліфікацыі выкладчыкаў тэарэтычнага навучання.
- Павышэнне кваліфікацыі спецыялістаў і аператараў алейнага блока ААТ “Нафтан”.
- Павышэнне кваліфікацыі спецыялістаў ААТ “Нафтан” вытворчасці прысадак да змазвальных алеяў.
- І іншае па запытах замоўцаў.
Слухачам, якія прайшлі курсы павышэння кваліфікацыі і выканалі патрабаванні вучэбнага плана, на падставе рашэння выпускной камісіі выдаецца пасведчанне дзяржаўнага ўзору аб павышэнні кваліфікацыі.
Наш адрас: 211440, г. Наваполацк, Віцебская вобл., Беларусь
вул.Блахіна, 29, каб. 402
Тэл./факс: +375 214 59-95-50
E-mail: