Частыя пытанні

1. Як выпускнікі профільных (педагагічных/інжынерных) класаў могуць паступіць у ВНУ?

Яны маюць права на залічэнне без уступных іспытаў на зацверджаны пералік педагагічных і інжынерных спецыяльнасцей. Пры гэтым у выпускніка ў атэстаце павінны быць адзнакі не ніжэйшыя за 8 (восем) балаў па вучэбных прадметах, адпаведных прадметах профільных іспытаў і не ніжэйшыя за 7 (сем) балаў па ўсіх астатніх вучэбных прадметах. Абавязковым дакументам для паступлення з'яўляецца рэкамендацыя педагагічнай рады ўстановы адукацыі, якую скончыў абітурыент.

У гэтым выпадку абітурыент дапускаецца да сумоўя, якое праводзіцца ў вуснай форме па вучэбнай праграме факультатыўнага занятку. Па выніках сумоўя прымаецца рашэнне аб праходжанні або аб непраходжанні сумоўя.

2. Як быць, калі складзецца сітуацыя, што ўсе бюджэтныя месцы на спецыяльнасць зоймуць абітурыенты, якія маюць магчымасць паступіць без уступных іспытаў і па-за конкурсам?

Правіламі прыёму ўстанаўліваецца пэўная колькасць месцаў для паступлення тых, хто мае права на льготы пры залічэнні ў ВНУ.

Таму для ўсіх спецыяльнасцей (за выключэннем медыцынскіх) не менш як 20 працэнтаў ад плана прыёму за кошт бюджэту застанецца для абітурыентаў, якія паступаюць на агульных падставах (па выніках ЦЭ, ЦТ, унутраных уступных іспытаў).

3. Ці ёсць ільготы пры наяўнасці залатога (сярэбранага) медаля пры паступленні і на якія спецыяльнасці?

Па льготнай траекторыі з залатым або сярэбраным медалём у Полацкі дзяржаўны ўніверсітэт імя Еўфрасінні Полацкай можна паступіць на 23 спецыяльнасці з 27. Нельга паступіць на: правазнаўства, дызайн прадметна-прасторавага асяроддзя, архітэктура, адукацыя ў галіне фізічнай культуры. Калі конкурс праводзіцца па групе спецыяльнасцей, то заява падаецца на ўсе спецыяльнасці групы. Падаць заяву на спецыяльнасці з розных груп нельга.

4. Ці існуе магчымасць паступлення ў ВНУ Беларусі па выніках АДЭ?

З 2024 года для грамадзян Расіі з'явілася магчымасць паступіць у ВНУ Беларусі на дзённую форму атрымання адукацыі на бюджэт па выніках АДЭ, здадзенага ў Расіі.

Для паступлення на бюджэт неабходна мець вынікі АДЭ па прадметах профільных выпрабаванняў не менш як 70 працэнтаў ад максімальна магчымага значэння.

Апублікаваны пералік спецыяльнасцяў Полацкага дзяржаўнага ўніверсітэта імя Еўфрасінні Полацкай, на якія грамадзяне РФ могуць паступаць на бюджэт па выніках АДЭ..

5. Калі будуць праходзіць уступныя іспыты для тых, хто паступае на завочную форму атрымання адукацыі ў скарочаны тэрмін?

Пастановай Міністэрства адукацыі Рэспублікі Беларусь «Аб тэрмінах правядзення ўступнай кампаніі для атрымання агульнай вышэйшай адукацыі» ўстаноўлены наступныя тэрміны правядзення ўступных іспытаў для атрымання вышэйшай адукацыі за кошт сродкаў бюджэту і на платнай аснове – з 18 ліпеня па 25 ліпеня. Расклад уступных іспытаў у адпаведнасці з Палажэннем аб прыёмнай камісіі ўстановы вышэйшай адукацыі зацвярджаецца і даводзіцца да абітурыентаў не пазней, чым за тыдзень да пачатку правядзення ўступных іспытаў.

6. Як палічыць сярэдні бал дакумента аб адукацыі?

Сярэдні бал дакумента аб адукацыі (атэстата аб агульнай сярэдняй адукацыі, дыплома аб прафесійна-тэхнічнай адукацыі, дыплома аб сярэдняй спецыяльнай адукацыі) падлічваецца наступным чынам: падсумоўваюцца ўсе адзнакі, выстаўленыя ў дакуменце аб адукацыі, і дзеляцца на іх колькасць.

Падлік сярэдняга бала дакумента аб адукацыі для абітурыентаў, якія атрымалі прафесійна-тэхнічную адукацыю на аснове агульнай сярэдняй адукацыі, праводзіцца наступным чынам: падсумоўваюцца ўсе адзнакі, выстаўленыя ў атэстаце аб агульнай сярэдняй адукацыі і ў дыпломе аб прафесійна-тэхнічнай адукацыі, і дзеляцца на іх колькасць. Сярэдні бал дакумента аб адукацыі вызначаецца па дзесяцібальнай шкале з дакладнасцю да дзесятых доляў адзінкі і пераводзіцца ў стобальную шкалу шляхам множання на 10.

7. Як падлічваецца агульная сума балаў?

Згодна з Правіламі прыёму асоб для атрымання агульнай вышэйшай адукацыі, залічэнне абітурыентаў для атрымання вышэйшай адукацыі праводзіцца па конкурсу на аснове агульнай сумы балаў, падлічанай:

— пры паступленні на вочную (дзённую) форму атрымання адукацыі на поўны тэрмін па выніках цэнтралізаванага экзамену (ЦЭ) і (або) цэнтралізаванага тэсціравання (ЦТ) па трох вучэбных прадметах: па беларускай або рускай мове (на выбар) і па двух вучэбных прадметах (далей – профільныя іспыты) у адпаведнасці з выбранай групай спецыяльнасцей (спецыяльнасцю).

Прыклад: сертыфікат цэнтралізаванага экзамену па прадмеце «Руская (беларуская) мова» – 83 балы, сертыфікат цэнтралізаванага тэсціравання па прадмеце «Матэматыка» – 92 балы, «Замежная мова» – 70 балаў, сярэдні бал дакумента аб адукацыі – 8,5 бала. У гэтым выпадку агульная сума балаў будзе складаць: 83 + 92 + 70 + 8,5 · 10 = 330 балаў. Максімальна магчымая агульная сума балаў – 400 балаў.

— пры паступленні на завочную форму атрымання адукацыі на скарочаны тэрмін па выніках здачы двух профільных іспытаў (ва ўніверсітэце) і сярэдняга бала дыплома аб сярэдняй спецыяльнай адукацыі.

8. Ці даецца месца ў інтэрнаце на перыяд здачы ўступных іспытаў?

Абітурыентам, якія паступаюць на дзённую і завочную скарочаную форму атрымання адукацыі і якія маюць патрэбу у інтэрнаце на перыяд здачы ўступных іспытаў, даецца ложка-месца.