Кваліфікацыя, якая прысвойваецца: перакладчык (англійская)
Формы навучання: 16 месяцаў, вочная (вячэрняя)
Патрабаванні да ўзроўню асноўнай адукацыі: вышэйшая адукацыя па спецыяльнасцях у адпаведнасці з п. 20 адукацыйнага стандарта перападрыхтоўкі кіруючых работнікаў і спецыялістаў
Патрабаванні да ўзроўню валодання англійскай мовай: В1–В2 (згодна з сістэмай CEFR)
Форма выніковай атэстацыі: дзяржаўны іспыт па спецыяльнасці

Веданне замежнай мовы – гэта важны «плюс» у рэзюмэ спецыяліста, магчымасць непасрэдна размаўляць з замежнымі калегамі і разумець узоры сусветнай культуры і літаратуры. Практычная скіраванасць курса «Сучасная замежная мова» (спецыяльны пераклад) – падрыхтоўка спецыялістаў для працы над перакладам розных матэрыялаў, удзелу ў дзелавых перамовах з замежнымі партнёрамі, канферэнцыях, выставах і іншых мерапрыемствах з замежнымі прадстаўнікамі. Сёння міжнародныя сувязі ахопліваюць амаль усе сферы чалавечай дзейнасці. Таму ўвесь час расце значэнне перакладчыцкай дзейнасці, якая цягне за сабой паспяховае прафесійнае станаўленне. У сувязі з гэтым попыт на спецыялістаў-перакладчыкаў на рынку працы няўхільна расце.

Адукацыйны стандарт перападрыхтоўкі кіруючых работнікаў і спецыялістаў 9-09-0231-01 «Перакладчыцкая дзейнасць (з указаннем мовы)»

Пастанова Савета Міністраў Рэспублікі Беларусь № 574 ад 1 верасня 2022 г.