Дзень студэнцкага самакіравання ў Полацкім дзяржаўным універсітэце імя Еўфрасінні Полацкай завяршаецца, а значыць час падводзіць вынікі.
Нарада дублёраў рэктара і прарэктараў
Ранак пачаўся з цырымоніі перадачы партфеляў з заданнямі дублёрам. Лепшыя студэнты нашага ўніверсітэта прымерылі на сябе ролі кіруючых асоб – рэктара, прарэктараў, дэканаў, загадчыкаў кафедр, а таксама начальнікаў аддзелаў і грамадскіх арганізацый універсітэта.
Мікіта Дзмітрыевіч Балюк і Алеся Іосіфаўна Корсак
Студэнты-дублеры пачалі працу з аператыўных нарад, на якіх вызначылі прыярытэтныя кірункі працы, размеркавалі абавязкі і паставілі мэты на дзень. Студэнты вучыліся ўлічваць розныя пункты гледжання пры пастаноўцы задач, распрацоўваць стратэгіі іх дасягнення і знаходзіць кампрамісы, бо кожная ініцыятыва патрабуе не проста крэатыўнага падыходу, а стараннай прапрацоўкі дэталяў, каб быць паспяховай. Гэты каштоўны вопыт спатрэбіцца студэнтам не толькі ва ўніверсітэце, але і ў далейшым прафесійным жыцці.
Аператыўныя нарады студэнтаў-дублераў
У рамках Дня студэнцкага самакіравання валанцёрскі цэнтр правёў акцыю «Добрая парада дня». Зацікаўленыя ўдзельнікі з радасцю падыходзілі і пры дапамозе Кола Фартуны атрымлівалі свае матывавальныя парады, а таксама салодкія падарункі. Два шчасліўчыкі зведалі поспех і выйгралі прызы ад валанцёрскага цэнтра. Усе ўдзельнікі акцыі атрымалі шмат прыемных эмоцый і ўражанняў.
Акцыя «Добрая рада дня»
На пляцоўцы прафкама падвялі вынікі фотаконкурсу «Я люблю ПДУ», пасля чаго адбыўся студэнцкі квіз «СТУД IQ». Удзельнікі паспрабавалі свае сілы адразу ў некалькіх відах актыўнасці: вырашэнне рэбусаў, гульня ў пазлы, адказы на пытанні пра студэнцтва і гульня «Угадай песню па смайліках». За кожную пройдзеную актыўнасць студэнты атрымлівалі цукеркі, а завяршыўшы ўсе заданні ўдзельнікі акцыі атрымлівалі галоўны прыз – салодкі батончык.
Студэнцкі квіз «СТУД IQ»
Беларускі рэспубліканскі саюз моладзі не застаўся ў баку: прадстаўнікі арганізацыі правялі акцыю «Удача з БРСМ». Конкурс узняў настрой удзельнікам, а самыя ўдачлівыя з іх выйгралі прызы.
Акцыя «Удача з БРСМ»
У завяршэнні працоўнага дня кіраўніцтва ўніверсітэта і іх дублёры за круглым сталом абмеркавалі вынікі Дня студэнцкага самакіравання ва ўніверсітэце. Студэнты распрацавалі 5 праектаў у галіне забеспячэння бяспекі ва ўніверсітэце і інтэрнатах, навуковай працы, адукацыйнага працэсу, інфармацыйнага і візуальнага складальніка.
Прэзентацыя праектаў
Студэнты падзяліліся сваімі ўражаннямі і выказалі падзяку кіраўніцтву ўніверсітэта за неацэнны вопыт. Кіраўніцтва ў сваю чаргу выказала ўдзячнасць дублёрам за іх стараннасць. Яно адзначыла, што студэнты праявілі высокі ўзровень адказнасці, ініцыятыўнасці і арганізаванасці ў выкананні сваіх абавязкаў.
Падвядзенне вынікаў Дня студэнцкага самакіравання
Сёння дублёры не проста не пабаяліся ўзяць на сябе адказнасць па кіраўніцтве ўніверсітэтам, але і праявілі ініцыятыву ў праектах па паляпшэнні працоўнага і навучальнага працэсу. Завяршыўся працоўны дзень яркім гала-канцэртам.
