Напрыканцы маю ва ўнутраным дворыку Полацкага калегіума ў другі раз зайграў рознакаляровымі фарбамі “Парасонфэст”. Фестываль прысвечаны святкаванню Дня Полацкага дзяржаўнага ўніверсітэту і ўжо стаў традыцыйным мерапрыемствам.
На працягу трох фестывальных дзён усе жадаючыя атрымалі магчымасць стаць удзельнікамі яркага свята. Дарослых і маленькіх гасцей чакала алея рознакаляровых парасонаў, фотазона, фэст-бар з пачастункамі, падарункі-сувеніры і шмат іншых цікавасцей.
Наведавальнікам мерапрыемства таксама прапанавалі экспрэс-экскурсію “Бяседа з Мудрым старцам” (знакамітай Механічнай галавой!) і дэманстрацыю акадэмічнага шэсця ўніверсітэцкага гадзінніка.
А кожны фестывальны вечар з 19.00 да 20.00 унутраны дворык напаўнялі гукі цудоўнай музыкі – у гэты час тут выступаў полацкі камерны аркестр “Еўропа-Цэнтр” под кіраўніцтвам дырыжора Р. Садыкава.
Арганізатарамі рознакаляровага свята штогод з’яўляецца турцэнтр універсітэта, удзельнікамі – студэнты і супрацоўнікі ПДУ, жыхары і госці горада.
“Парасонфэст – 2019” стаў яскравым мерапрыемствам, наведавальнікі якога атрымалі шмат пазітыўных пачуццяў!
М.У. Янкоўская, сектар КДД