Аб вясне трэцяга сакавіка марыў, мабыць, кожны. У гэты дзень сонца пякло ўжо зусім па-вясноваму. Неба танула ў сіняве, і калі не зважаеш на гурбы снегу, якія непатрэбнай спадчынай пакінула пасля сябе зіма, здавалася, што на вуліцы далёка не пачатак вясны, а самая яе сярэдзіна.
Прыемны гук кропляў талага снегу аддаваўся ў вушах, дзёрзкія сонечныя праменьчыкі сляпілі вочы, і навокал стаяў характэрны пах, адчуўшы які становішся ўпэўнены на ўсе 100% - вясна не за гарамі.
Веснавы настрой “злавіў” і наш універсітэт. На працягу ўсяго тыдня ў сталоўцы праходзіў блінны распродаж. Пачаставацца веснавым ласункам мог любы жадаючы. І ўвесь тыдзень не пакідала адчуванне, што наперадзе чакае яшчэ шмат прыемных падзей, якія адбыліся ў чацвер.
Студэнты гісторыка-філалагічнага факультэта арганізавалі сапраўднае свята для сваіх сяброў, аднагрупнікаў, выкладчыкаў, а таксама для супрацоўнікаў універсітэта.
Сапраўдным цудам, як і сама вясна, было правядзенне абраду гукання вясны. Тут і песні, і танцы-карагоды, і сімвалічнае запусканне першых птушак. Словы старадаўніх песень здаваліся магічнымі і яшчэ раз замацоўвалі ўпэненнасць у хуткае набліжэнне доўгачаканай вясны. Студэнты, пераапранутыя ў народнае адзенне, заклікалі ўсіх прысутных далучыцца да гулянняў і тым самым адзначыць надыход вясны.
А пасля ўсёй дзеі гасцей кадэцкага корпуса чакалі спартыўныя забавы: перацягванне каната, гульня ў дартс, а таксама вясёлая эстафета.
Корреспондент сайта Сергей Матырко