II Міжнародная навуковая канферэнцыя «Нацыянальны характар і спосабы яго ўвасаблення ў культуры і мове ва ўмовах мультыкультурнага асяроддзя». Святлана Міхайлаўна Лясовіч
24-25 сакавіка кафедра славянскай філалогіі правяла онлайн-канферэнцыю прысвечаную вывучэнню праяў нацыянальнага характару і нацыянальнай ідэнтычнасці ў мове, літаратуры і культуры. Да ўдзелу былі заяўлены больш за 90 дакладаў выступоўцаў з Беларусі, Расіі, Украіны, Узбекістана і Польшчы. Таму два дні плённай працы размеркаваліся пасля пленарных пасяджэнняў па трох секцыях.
Кола пытанняў, якія абмяркоўваліся ў межах канферэнцыі, было даволі шырокім:
- Моўная карціна свету і праблемы міжкультурных зносін
- Моўныя сродкі ўвасаблення нацыянальнага характару
- Нацыянальная ідэнтычнасць, нацыянальная ідэя і нацыянальны характар у літаратуры і мастацтве
- Культуралагічныя падыходы да разумення нацыянальнага характару
- Праблема нацыянальнай самаідэнтыфікацыі ў мультыкультурным асяроддзі
- Нацыянальная культура ў "чужым" успрыманні
- Асаблівасці нацыянальнага гумару
- Роля нацыянальных лінгвістычных карпусоў у даследаваннях і выкладанні моў.
- Нацыянальны корпус рускай мовы ў навучанні замежнікаў.
У межах апошняга згаданага даследчага поля канферэнцыі Святлана Міхайлаўна Лясовіч і Наталля Васільеўна Несцер пазнаёмілі калег з вынікамі праекта SEAH, над якім кафедра славянскай філалогіі працуе ўжо другі год.
Онлайн-канферэнцыя, прысвечаная вывучэнню праяў нацыянальнага характару і нацыянальнай ідэнтычнасці ў мове, літаратуры і культуры
Канферэнцыя – гэта заўсёды не толькі навуковае ўзаемадзеянне, але і добрыя эмоцыі ад асабістых кантактаў. Прыемна, што непасрэдна для ўдзелу ў канферэнцыі завітала з Мінска Наталля Багданаўна Лысова, якая шмат год выконвала абавязкі дэкана гісторыка-філалагічнага факультэта Полацкага дзяржаўнага ўніверсітэта, і, працуючы ў сталіцы, выкарыстала нагоду супрацоўніцтва.
Святлана Міхайлаўна Лясовіч, Наталля Багданаўна Лысова і Наталля Генадзьеўна Апанасовіч
Трэба адзначыць, што арганізатары атрымалі шмат слоў і лістоў з падзякай ад удзельнікаў канферэнцыі і прапанову аб супрацоўніцтве ад калег з Паўднёва-Заходняга дзяржаўнага ўніверсітэта (Расія). Радасна пашыраць кола навуковага міжнароднага супрацоўніцтва ў выніку падобных мерапрыемстваў.
Асаблівая падзяка Ігару Мікалаевічу Шчарбіцкаму, які забяспечыў тэхнічнае суправаджэнне канферэнцыі на высокім узроўні!
С.М.Лясовіч, загадчык кафедры славянскай філалогіі
Рэдакцыя аўтара захавана