Шырокая Масленіца - гэта час народных гулянняў: карагодаў, гульняў, спеваў, вясёлых зімовых забаў і шчодрага пачастунка. Знаёмства з масленічнымі традыцыямі Беларусі для замежных студэнтаў і студэнтаў інтэрната 7 у крэатыў-цэнтры Полацкага дзяржаўнага ўніверсітэта ім. Еўфрасінні Полацкай пачалося з майстар-класа па вырабе бярозавых значкоў «Добры дзень, Масленіца!».
Знаёмства з масленічнымі традыцыямі
У гэты вечар гасцей свята чакала цудоўнае выступленне і цікавая інтэрактыўная праграма з народнымі гульнямі і танцамі ад фальклорнага калектыву «Варган» і яго кіраўніка Вольгі Антонаўны Емяльянчык. З іх дапамогай удзельнікі вечарыны не толькі даведаліся аб традыцыях свята Масленіцы ў Беларусі, але і змаглі да іх далучыцца.
Народныя танцы
Нікога не пакінуў абыякавым пачастунак блінамі з духмяным мёдам і з варэннем з беларускіх ягад. На Масленіцу прынята іх рыхтаваць у гонар пакланення Сонцу, які дае ўсё жывое на зямлі. Бліны па форме, колеры і памеры - такія ж круглыя, румяныя і залацістыя! А духмяная травяная гарбата з ліпы, мяты і чабора – традыцыйны дадатак на масленічным стале ў Беларусі.
Масленічны батл
Завяршылася праграма вечара Масленічным батлам, у якім спаборнічалі 2 каманды: замежныя студэнты і беларускія студэнты. Удзельнікам удзельнічалі ў гонках у мяшках, «катанне на санях», конкурсе «Патэльня», перацягванні каната і гульні «Снежная крэпасць». Пераможцам стала каманда замежных студэнтаў!
Гу Цзюнь, Кітай, студэнт гуманітарнага факультэта: «“Я ўпершыню прыйшоў на народнае свята «Шырокая Масленіца». Чытаў у інтэрнэце, глядзеў фатаграфіі, а на гэтым свяце мне прадставілася магчымасць стаць удзельнікам. Гэта выдатна. Вельмі спадабаўся майстар-клас народнага беларускага танца, з вялікай цікавасцю прыняў удзел і развучыў некалькі танцавальных элементаў. Дзякуй вялікі за запрашэнне».
Масленічны батл
Уладзімір Вуловіч, Сербія, студэнт фінансава-эканамічнага факультэта: «Пра свята народных гулянняў «Масленіца» я чуў і бачыў фатаграфіі ў інтэрнэце. Дашлі на «Шырокую Масленіцу» без сумневаў у тым, што цікава правядзем з сябрамі вечар. Спадабалася выступленне народнага творчага калектыву: песні на беларускай мове, танцы, карагоды, а яшчэ нам расказалі пра свята і прапанавалі разам з імі развучыць народныя танцы. Не чакаў, што мяне так захопіць агульны карагод. Упершыню з сябрамі ўдзельнічаў у майстар-класе народнага танца. Засталіся цёплыя ўражанні ад гарбаты з блінамі, якія спецыяльна для нас прыгатавалі арганізатары свята. Дзякуй вялікі за цудоўнае свята».
Выраб бярозавых значкоў «Добры дзень, Масленіца!»
Усе ўдзельнікі мерапрыемства