Інфармацыйныя сістэмы і тэхналогіі (у эканоміцы)
Кваліфікацыя, якая прысвойваецца: інжынер-праграміст-эканаміст.
Формы навучання: дзённая – 4 гады.
Формы навучання: дзённая – 4 гады.
Лічбавая трансфармацыя грамадскіх зносін патрабуе ўсё большага ўкаранення інфармацыйных тэхналогій у эканамічную сферу. Як вынік – расце попыт на спецыялістаў, якія ўмеюць аналізаваць бізнес-працэсы і рух фінансавых струменяў, і адначасна з гэтым распрацоўваць, укараняць і суправаджаць праграмнае забеспячэнне ў дзейнасць суб'ектаў бізнесу.
Падрыхтоўка такіх спецыялістаў магчыма толькі на стыку IT і эканамічнага кірункаў, што і рэалізавана ў спецыяльнасці «Інфармацыйныя сістэмы і тэхналогіі (у эканоміцы)». Навучальны працэс сумяшчае падрыхтоўку ў вобласці праграмавання з вывучэннем дысцыплін эканамічнага профілю. Вялікая роля ў ім адводзіцца спецыялістам – прадстаўнікам рэальнага сектара інфармацыйных тэхналогій, фінансаў, лагістыкі і бухгалтарскага ўліку. Выпускнікі гатовы ствараць праграмныя прадукты і ўкараняць тэхналогіі, якія сістэматызуюць і спрашчаюць бізнес-працэсы.
Вы навучыцеся
- распрацоўваць, укараняць і суправаджаць інфармацыйныя сістэмы і тэхналогіі
- працаваць з інфармацыйнымі працэсамі, выбіраць аптымальныя метады і прылады для іх налады, вытворчасці і выкарыстання
- ацэньваць эфектыўнасць IT-інфраструктуры ў кампаніях
- ствараць праграмы і сэрвісы, што забяспечваюць збор эканамічнай інфармацыі, яе апрацоўку і аналіз для прыняцця кіраўніцкіх пастаноў
- ствараць і ўкараняць праграмных робатаў у бізнес-працэсы кампаніі
- ствараць лічбавую экасістэму суб'ектаў бізнесу
Дзе можна працаваць ?
- ІТ-кампаніі
- банкі і фінансавыя ўстановы
- аддзелы аўтаматызацыі і кіравання інфармацыйнымі струменямі суб'ектаў бізнесу
- аналітычныя аддзелы аўдытарскіх кампаній
- эканамічныя падраздзяленні як камерцыйных, гэтак і дзяржаўных арганізацый
- навучальныя ўстановы
Асноўныя дысцыпліны
- Асновы алгарытмізацыі і праграмавання
- Аб'ектна-арыентаванае праграмаванне
- Асновы канструявання праграм
- Праграмаванне сеткавых дадаткаў
- Базы дадзеных
- Сродкі і тэхналогіі аналізу і распрацоўкі інфармацыйных сістэмаў
- Вэб-дызайн і шаблоны праектавання
- Сістэмны аналіз і праектаванне інфармацыйных сістэмаў
- Сучасныя тэхналогіі апрацоўкі эканамічнай інфармацыі
- Крыптаграфія і ахова камерцыйнай інфармацыі
- Камп'ютарныя сеткі
- Міжнародныя стандарты фінансавай справаздачнасці
- Праграмаванне сродкамі 1С:
- Эканоміка-матэматычныя метады і мадэлі
- Фінансы і фінансавы менеджмент
- Лагістыка
- Эканамічны аналіз
- Мікра- і макраэканоміка
- Эканоміка арганізацыі
- Планаванне
- Фінансавы і кіраўніцкі ўлік
- Фінансавы кантроль