Праектаванне і вытворчасць праграмна-кіраваных электронных сродкаў
Факультэт:
Факультэт камп'ютарных навук і электронікі (ФКНЭ)
Кафедра, якая выпускае:
Кафедра энергетыкі і электронікі
Кваліфікацыя, якая прысвойваецца: інжынер-электронік-праграміст.
Формы навучання: дзённая – 4 гады.
Формы навучання: дзённая – 4 гады.
«Праектаванне і вытворчасць праграмна-кіраваных электронных сродкаў» – шматпрофільная спецыяльнасць. Яна забяспечвае атрыманне адразу трох кваліфікацый: інжынера, электроніка і праграміста.
У аснове сучасных электронных сродкаў ляжаць мікракантролеры – чыпы, якія адказваюць за кіраванне і шматфункцыйнасць прылады. Студэнты спецыяльнасці вучацца праектаваць, распрацоўваць і вырабляць кожны з такіх сродкаў: ад смартфона і камп'ютара да сістэмаў аўтаматызацыі і прамысловых кантролераў. Таксама яны вучацца праграмаваць самі мікракантролеры. Дадатковая перавага выпускнікоў – уменне рамантаваць электронную апаратуру.
Вы навучыцеся
- праектаваць, мадэляваць, вырабляць новыя ці мадэрнізаваць наяўныя электронныя прылады і сістэмы кіравання
- рамантаваць электронныя прылады і сістэмы
- праектаваць аўтамабільную электроніку, ажыццяўляць яе дыягностыку
- ажыццяўляць тэхнічную эксплуатацыю і абслугоўванне электронных прылад і сістэмаў
Дзе можна працаваць ?
- канструктарскія бюро і прадпрыемствы, якія займаюцца праектаваннем і распрацоўкай сучаснай радыёэлектроннай апаратуры з мікракантролерным кіраваннем
- прадпрыемства радыё- і прыладабудавання
- прадпрыемства Парка высокіх тэхналогій
- аддзелы аўтаматызацыі сістэмаў кіравання тэхналагічнымі працэсамі прамысловых прадпрыемстваў
- майстэрні па рамонце электроннага абсталявання
- арганізацыі, што выкарыстоўваюць аўтаматызаваныя сістэмы кіравання, прамысловых робатаў
- аддзелы тэставання праграмнага забеспячэння электронных сродкаў і тэхналагічнага абсталявання
Асноўныя дысцыпліны
- Асновы алгарытмізацыі і праграмавання
- Асновы абароны інфармацыі (уключаючы асновы кіравання інтэлектуальнай уласнасцю)
- Электронныя кампаненты
- Тэхналогія дэталяў радыёэлектронных сродкаў
- Праграмнае забеспячэнне радыёэлектронных сродкаў
- Тэхналогія праграмна-кіраваных радыёэлектронных сродкаў
- Схематэхніка электронных прыладаў
- Праектаванне праграмна-кіраваных радыёэлектронных сродкаў
- Праграмна-кіраваныя мікракантролерныя прылады
- Тыпавыя кампаненты і датчыкі кантрольна-дыягнастычных сродкаў
- Праграмаванне і тэхнічная эксплуатацыя прыладаў аўтаматызацыі, кантрольна-вымяральных прыбораў і апаратаў
- Тэорыя электрычных ланцугоў
- Тэхнічная механіка, метралогія і вымярэнні
- Нізкаўзроўневае праграмаванне
- Асновы дыскрэтнай матэматыкі
- Неразбуральны кантроль кампанентаў сістэмаў аўтаматызацыі і кантрольна-вымяральных прыбораў і апаратаў
- Матэрыялы электроннай тэхнікі
- Праектаванне і тэхналогія інтэгральных модуляў
- Тэарэтычныя асновы тэхнічнай эксплуатацыі і рамонт радыёэлектронных сродкаў
- Электронныя прыборы
- Дыягностыка і рамонт кантрольна-вымяральных прыбораў і апаратаў
- Інжынернае забеспячэнне надзейнасці праграмна-кіраваных электронных сродкаў
- Выпрабаванні і кантроль якасці электронных сродкаў
- Аўтаматычнае кіраванне тэхнічнымі сістэмамі