Кваліфікацыя, якая прысвойваецца: эканаміст.
Формы навучання: дзённая – 4 гады, завочная скарочаная – 3 гады.

Мэта кожнага прадпрыемства, кампаніі ці камерцыйнай арганізацыі – прымножыць капітал. У дзяржаўным і прыватным сектары неабходны спецыялісты, якія ўмеюць прагназаваць вынікі фінансавай дзейнасці і павялічваць яе эканамічную эфектыўнасць. Да вырашэння праблем сучаснай фінансавай індустрыі рыхтуе спецыяльнасць «Фінансы і крэдыт».

Студэнты вывучаюць розныя формы фінансавага менеджменту, тонкасці банкаўскай і страхавой справы, фінансавага рынку і рынку каштоўных папер, падаткаў і падаткаабкладання. Адмысловыя дысцыпліны дапамагаюць зразумець арганізацыю грашовай плыні, навучыцца аналізаваць структуру капіталу, кантраляваць рух і выкарыстанне грашовых сродкаў. Выпускнікам адкрыты шлях у фінансавую сферу, прадпрыемніцтва і гандаль. Яны валодаюць ведамі і навыкамі ў вобласці эканомікі, фінансаў, менеджменту і міжнародных эканамічных адносін, здольныя хутка адаптавацца да дынамічных змен у фінансавай галіне.