Праграма лаяльнасці

Запрашаем установы агульнага сярэдняй, прафесійна-тэхнічнай і сярэдняй спецыяльнай адукацыі Рэспублікі Беларусь да ўдзелу ва ўнікальнай праграме лаяльнасці «Установа адукацыі-партнёр», распрацаванай у Полацкім дзяржаўным універсітэце імя Еўфрасінні Полацкай.

 

Для ўдзелу ў праграме лаяльнасці «Установа адукацыі-партнёр» патрэбна прайсці рэгістрацыю па спасылцы.

 

Праграма лаяльнасці «Установа адукацыі-партнёр» скіравана на падтрыманне доўгатэрміновых зычлівых партнёрскіх адносін і развіццё матэрыяльна-тэхнічнай базы ўстаноў агульнай сярэдняй, прафесійна-тэхнічнай і сярэдняй спецыяльнай адукацыі Рэспублікі Беларусь, выпускнікі якіх выбралі ў 2026 годзе Полацкі дзяржаўны ўніверсітэт імя Еўфрасінні Полацкай для атрымання вышэйшай адукацыі.

 

Па выніках прыёмнай кампаніі 2026 года ў Полацкі дзяржаўны ўніверсітэт імя Еўфрасінні Полацкай установе адукацыі:

• прысвойваецца статус «Установа адукацыі-партнёр» і ўручаецца адпаведны сертыфікат
• робіцца бязвыплатная (фундатарская) матэрыяльная дапамога на развіццё матэрыяльна-тэхнічнай базы ў адпаведнасці з узроўнем дасягнутых паказнікаў конкурсу
• даецца права на складанне дамовы пра супрацу ў вобласці адукацыйнай дзейнасці з універсітэтам тэрмінам на тры гады, якая прадугледжвае правядзенне выкладчыкамі ўніверсітэта семінараў па падрыхтоўцы навучэнцаў да цэнтралізаванага экзамену, цэнтралізаванага тэставанню, этапаў Рэспубліканскіх алімпіяд па навучальных прадметах, па працы з таленавітай і перспектыўнай моладдзю, кансультаванне па пытаннях арганізацыі навукова-даследчай дзейнасці навучэнцаў і т.п.

У выпадку выканання адным і тым жа ўдзельнікам праграмы паказнікаў па некалькіх намінацыях, удзельнік узнагароджваецца па намінацыі, у якой дасягнуў найбольшых паказнікаў.

Чакаем Вас, шаноўныя ўстановы адукацыі-партнёры!

Запрашаем класных кіраўнікоў выпускных класаў устаноў агульнай сярэдняй адукацыі Рэспублікі Беларусь, куратараў выпускных навучальных груп устаноў сярэдняй спецыяльнай адукацыі Рэспублікі Беларусь да ўдзелу ва ўнікальнай праграме лаяльнасці «Педагогі-партнёры», распрацаванай у Полацкім дзяржаўным універсітэце імя Еўфрасінні Полацкай.

 

Для ўдзелу ў праграме лаяльнасці «Педагогі-партнёры» неабходна прайсці рэгістрацыю па спасылцы.

 

Праграма лаяльнасці «Педагогі-партнёры» накіравана на падтрымку класных кіраўнікоў класаў школ, гімназій, ліцэяў, куратараў навучальных груп устаноў сярэдняй спецыяльнай адукацыі, выпускнікі якіх выбралі ў 2026 годзе Полацкі дзяржаўны ўніверсітэт імя Еўфрасінні Полацкай для атрымання вышэйшай адукацыі.

 

Па выніках прыёмнай кампаніі 2026 года ў Полацкі дзяржаўны ўніверсітэт імя Еўфрасінні Полацкай класнаму кіраўніку (куратару):

• надаецца статус «Педагог-партнёр» з уручэннем сертыфіката.
• уручаюцца каштоўныя прызы
• прадастаўляецца права на атрыманне бязвыплатнай кансультацыйнай дапамогі па пытаннях арганізацыі навукова-даследчай дзейнасці навучэнцаў, па рабоце з таленавітай і перспектыўнай моладдзю, па падрыхтоўцы навучэнцаў да этапаў Рэспубліканскай алімпіяды па вучэбных прадметах.

 

Чакаем Вас, шаноўныя педагогі-партнёры!