Спецыяльнасць «Гісторыя» – гэта класічная гуманітарная адукацыя, якая дае магчымасць зразумець мінулае чалавецтва са старажытнасці да нядаўняга часу.
Полацкі калегіум
На спецыяльнасці «Гісторыя» аб'яднаны тэорыя і практыка. На практыцы студэнты ўдзельнічаюць у археалагічных раскопках, працуюць з унікальным гістарычным матэрыялам. Навучанне ў Полацкім універсітэце заснавана на прынцыпе ўсебаковага развіцця асобы. Нашыя студэнты атрымліваюць розныя магчымасці для рэалізацыі свайго ўнутранага патэнцыялу: яны праяўляюць сябе як у творчых аб'яднаннях, так і ў дзейнасці будаўнічых атрадаў.
На тэрыторыі Полацкага калегіума, корпуса Полацкага ўніверсітэта, дзейнічаюць:
- археалагічны студэнцкі атрад
- Полацкае аддзяленне Студэнцкага этнаграфічнага таварыства
- Міжнародны пошукавы атрад «Памяць пакаленняў»
- студэнцкае аб'яднанне экскурсаводаў-валанцёраў
Праект «Малая Вялікая Перамога»
Студэнты спецыяльнасці «Гісторыя» авалодваюць усімі неабходнымі навыкамі і кампетэнцыямі: арганізоўваюць і праводзяць навуковыя даследаванні, ужываюць прафесійныя веды для рашэння тэарэтычных і практычных задач, выкарыстоўваюць кампутарныя тэхналогіі ў сферы прафесійнай дзейнасці, рыхтуюць аналітычныя матэрыялы на аснове аналізу гістарычных і сучасных аспектаў жыцця грамадства, крытычна асэнсоўваюць і ацэньваюць дакладнасць інфармацыі.
Студэнты-гісторыкі не толькі наведваюць лекцыі, вывучаюць энцыклапедыі і архіўныя матэрыялы. Яны таксама вядуць раскопкі ў Полацку і іншых гістарычна значных населеных пунктах, праводзяць экскурсіі на маршрутах праекта «Малая Вялікая Перамога», удзельнічаюць у дэбатах на семінарах і ў дэбат-клубе, працуюць з экспанатамі, наведваюць музеі і прымяраюць на сябе ролю навуковых супрацоўнікаў.
Артэфакты
Выпускнікі спецыяльнасці «Гісторыя» запатрабаваны запатрабаваныя як:
- навуковыя супрацоўнікі ў навуковых установах
- настаўнікі і выкладчыкі ва ўстановах адукацыі
- музеязнаўцы, архівазнаўцы, экскурсаводы ва ўстановах культуры
- спецыялісты аддзела, кіравання, аналітычнага цэнтра ў адміністрацыях гарадоў, органах дзяржаўнай улады, грамадскіх арганізацыях
- эксперты, аналітыкі, аўтары тэкстаў у сферы журналістыкі
- распрацоўшчыкі турыстычных маршрутаў, арганізатары мерапрыемстваў гістарычнай тэматыкі ў сферы турызму і сэрвісу
Навучанне на спецыяльнасці «Гісторыя» робіць асаблівым атмасфера навучальных карпусоў Полацкага калегіума, а таксама размешчаны ў корпусе Этнаграфічны цэнтр.
Полацкі калегіум
Полацкі калегіум прыцягвае ўсіх неабыякавых да гісторыі: пачынаючы ад вядомых беларускіх вучоных і заканчваючы турыстамі з розных краін. Багатыя адукацыйныя традыцыі, увага да дэталяў, асаблівыя гістарычныя інтэр'еры, унікальныя экспазіцыі і фенаменальная рэканструкцыя праекта XVIII стагоддзя – гэта толькі малая частка таго, што акружае студэнтаў-гісторыкаў на працягу ўсяго навучання.
Прафесарска-выкладчыцкі склад кафедры на спецыяльнасці «Гісторыя» – гэта дацэнты і прафесары, практыкуючыя гісторыкі, якія імкнуцца падзяліцца ведамі і досведам з кожным студэнтам. Дзякуючы шырокаму колу прафесійных і навуковых інтарэсаў кафедры ўжо на этапе навучання студэнты могуць развіваць актуальныя для беларускай гістарычнай навукі тэмы.
Экспазіцыя Полацкага калегіума
Дзяніс Уладзіміравіч Дук, рэктар Магілёўскага дзяржаўнага ўніверсітэта імя А.А. Куляшова, доктар гістарычных навук: «Полацк з'яўляецца сталіцай першай дзяржавы на беларускіх землях. Яго гістарычнае развіццё абумовіла фармаванне сучаснай мадэлі нацыянальнай дзяржаўнасці, абумовіла асаблівасць працэсаў генезісу беларускай нацыі. Полацк – гэта гістарычная аснова дзяржаўнага суверэнітэту Беларусі, якая сваімі каранямі сыходзіць у глыбіню стагоддзяў. Таму цалкам заканамернай з'яўляецца наяўнасць у Полацкім дзяржаўным універсітэце спецыяльнасці «Гісторыя», выпускніком якой я з'яўляюся».
Анастасія Сяргееўна Цыганкова, выпускніца спецыяльнасці «Гісторыя» 2022 года: «Вучыцца было цікава дзякуючы разнастайным формам навучання: выкладчыкі выкарыстоўвалі традыцыйныя лекцыі і семінарскія заняткі, экскурсіі, круглыя сталы, дыскусійныя клубы і г.д. .
Таксама напрыканцы кожнага навучальнага года праводзілася практыка, для мяне самым цікавым быў выезд у палявыя этнаграфічныя экспедыцыі. Студэнтам-гісторыкам давалася магчымасць удзельнічаць у рэгіянальных і міжнародных навуковых канферэнцыях, так, напрыклад, я вочна і дыстанцыйна ўдзельнічала ў канферэнцыях, якія праводзіліся ў Полацку, Брэсце, Мінску, Гомелі, Санкт-Пецярбургу, Пскове. Для таго каб студэнты маглі прадоўжыць навучанне па спецыяльнасці, прадугледжана ўласная магістратура «Айчынная гісторыя».
Полацкі калегіум
Не прапусці магчымасць вывучаць гісторыю ў Полацку, калысцы беларускай дзяржаўнасці! Прыём дакументаў на навучанне за кошт сродкаў бюджэту працягнецца да 17 ліпеня ўключна.
