Маючы экспартаарыентаваную эканоміку, Рэспубліка Беларусь уключана ў міжнародны гандаль і паслядоўна развівае свае знешнія эканамічныя сувязі, у тым ліку з найбуйнейшым сегментам сусветнай эканомікі – Кітаем. Гэта стварае высокі попыт на спецыялістаў у сферы мытнай справы. Падрыхтоўкай такіх кадраў займаецца прафесарска-выкладчыцкі склад юрыдычнага факультэта Полацкага дзяржаўнага ўніверсітэта імя Еўфрасінні Полацкай.
Студэнты Полацкага ўніверсітэта
Спецыялісты ў сферы мытнай справы працуюць у мытных органах, буйных прамысловых і гандлёвых прадпрыемствах: ад лагістычных цэнтраў да арганізацый, якія вядуць знешнеэканамічную дзейнасць. Праца спецыяліста ў сферы мытнай справы заўсёды застаецца прэстыжнай з прычыны яе сувязі як з дзяржаўнай службай, так і з бізнесам.
У 2024 годзе выпускнікі спецыяльнасці «Мытная справа» накіраваліся на службу ў мытныя органы, а таксама да рэзідэнтаў індустрыяльнага парку «Вялікі камень», у буйнейшае лагістычныя прадпрыемства Беларусі – «Белмытсэрвіс» і ў іншыя бізнесы, якія ўцягнуты ў знешні гандаль.
Спецыяльнасць «Мытная справа»
Выпускнікі спецыяльнасці «Мытная справа» запатрабаваныя як:
- інспектары мытнай службы
- спецыялісты па мытным дэклараванні
- спецыялісты па знешнеэканамічнай дзейнасці
- спецыялісты па мытным афармленні
- мытныя прадстаўнікі
- спецыялісты па закупках
Навучваючыся на спецыяльнасці «Мытная справа» вы атрымаеце веды ў галіне эканамічнага і прававога забеспячэння мытнай дзейнасці, інфармацыйных тэхналогій і сістэм у мытнай справе, мытнага афармлення і кантролю, мытнай лагістыкі, валютнага рэгулявання, прымянення тэхнічных сродкаў мытнага кантролю. Акрамя таго, вы вывучыце 2 замежныя мовы на высокім узроўні, зможаце ўдзельнічаць у праграмах акадэмічнай мабільнасці з замежнымі універсітэтамі і ў навуковай дзейнасці, а таксама атрымаеце месца ў інтэрнаце.
Начальнік Віцебскай мытні Сяргей Станіслававіч Лінкевіч і студэнт Вячаслаў Кураш
Станьце спецыялістам, запатрабаваным у сучаснай эканоміцы! Прыём дакументаў на платную форму навучання працягнецца да 1 жніўня ўключна.
