Вялікая Перамога – гэта не звычайная дата ў календары, гэта сімвал мужнасці, стойкасці і адзінства нашага народа. 9 траўня 1945 года назаўжды ўвайшоў у гісторыю як дзень, калі скончылася самая страшная вайна XX стагоддзя, якая пакінула незгладжальны след у сэрцах мільёнаў. У гэтым годзе мы адзначаем 80-годдзе Вялікай Перамогі – падзею, якая нагадвае пра трагедыі мінулага і пра важнасць захавання памяці пра тых, хто аддаў свае жыцці за мірную будучыню.
Патрыятычная акцыя «Прарыў Перамогі»
Памяць пра герояў, якія змагаліся на франтах, і працаўніках тылу, якія зрабілі магчымым Вялікую Перамогу, жыве ў сэрцах моладзі і старэйшых пакаленняў. Напярэдадні важнейшага свята студэнты, выкладчыкі і супрацоўнікі Полацкага дзяржаўнага ўніверсітэта імя Еўфрасінні Полацкай прынялі ўдзел у праектах і мерапрыемствах, прысвечаных подзвігу продкаў.
У памяць пра ветэранаў-супрацоўнікаў Полацкага ўніверсітэта рэалізаваны інфармацыйны праект «Яны ваявалі за Радзіму», які распавядае пра лёсы гэтых людзей, іх гераізм і самаахвярнасць. Азнаёміцца з унікальнымі матэрыяламі пра «Салдатаў Перамогі» – удзельнікаў Вялікай Айчыннай вайны, звязаных з Полацкім універсітэтам, можна ў фае галоўнага корпуса і ў спецыяльным раздзеле сайта.
Інфармацыйны праект «Яны ваявалі за Радзіму»
У чытальнай зале Полацкага калегіума адкрылася кніжна-ілюстрацыйная выстаўка «Летапіс Вялікай Перамогі». У экспазіцыі прадстаўлены ксеракопіі газет ваенных гадоў, якія адлюстроўваюць значныя перамогі на франтах і ў савецкім тыле, а таксама іншыя матэрыялы, прысвечаныя знамянальнай даце:
- «Вялікая Айчынная вайна ў фатаграфіях і дакументах»
- «Генацыд беларускага народа»
- «Ад Савецкага інфармбюро: Зводкі 1941-1945»
Асаблівую цікавасць сярод студэнтаў выклікаў каталог «Радзіма-Маці кліча! Плакаты Вялікай Айчыннай вайны» з калекцыі Беларускага дзяржаўнага музея гісторыі Вялікай Айчыннай вайны.
Кніжна-ілюстрацыйная выстава «Летапіс Вялікай Перамогі»
Прадстаўнікі адміністрацыі і студэнты Полацкага ўніверсітэта прынялі ўдзел у патрыятычнай акцыі «Прарыў Перамогі» ва Ушацкім раёне. Падзея прысвечана 81-й гадавіне прарыву варожай блакады партызанамі Полацка-Лепельскай зоны. Дэлегацыі з раёнаў Віцебскай вобласці, ганаровыя госці і ўдзельнікі беларуска-расійскага злёту ўшанавалі памяць герояў Вялікай Айчыннай вайны хвілінай маўчання і ўсклалі кветкі да мемарыяла.
Патрыятычная акцыя «Прарыў Перамогі»
Старэйшы выкладчык кафедры гісторыі і сацыягуманітарных навук Павел Міхайлавіч Сафронаў разам са студэнтамі-гісторыкамі прадставілі выставачны праект «Мацней смерці толькі памяць», прысвечаны трагедыі ваеннапалонных, і распавялі пра іншыя праекты універсітэта, накіраваных на захаванне гістарычнай памяці.
Наталля Валер'еўна Сцягашова, Павел Міхайлавіч Сафронаў і студэнты Полацкага ўніверсітэта
У Наваполацку каманды ўніверсітэта прынялі ўдзел у гарадской лёгкаатлетычнай «Эстафеце Міра». У склад мужчынскай і жаночай каманд увайшлі выкладчыкі, супрацоўнікі і студэнты Полацкага дзяржаўнага ўніверсітэта імя Еўфрасінні Полацкай. Па выніках эстафеты:
- Жаночая зборная ўніверсітэта заняла 1 месца ў 1 групе прадпрыемстваў і арганізацый і 3 месца ў абсалютным заліку
- Мужчынская зборная ўніверсітэта заняла 3 месца ў 1 групе прадпрыемстваў і арганізацый
Каманда Полацкага ўніверсітэта
Студэнты ваеннай кафедры Полацкага ўніверсітэта прынялі ўдзел у выязным патрыятычна-выхаваўчым занятку, у рамках якога ўшанавалі памяць загінуўшых герояў у гісторыка-культурным комплексе «Поле ратнай славы», мемарыяльным комплексе «Прарыў» і Ушацкім музеі народнай славы імя Героя Савецкага Саюза Уладзіміра Елісеевіча Лабанка.
Студэнты і выкладчыкі вайсковай кафедры каля мемарыяльнага комплексу «Прарыў»
Напярэдадні Дня Перамогі адміністрацыя і прафсаюзны актыў работнікаў Полацкага дзяржаўнага ўніверсітэта імя Еўфрасінні Полацкай выказалі словы падзякі за Вялікую Перамогу і ўручылі Віншавальны трохкутнік ад Беларускага прафсаюза работнікаў адукацыі і навукі ветэрану Вялікай Айчыннай вайны Рыгору Іванавічу Кандакову.
Наталля Віктараўна Харлашова, старшыня прафкама працаўнікоў Полацкага ўніверсітэта: «Мы з'яўляемся спадчыннікамі пераможцаў. Наш святы абавязак шанаваць іх, наведваць іх пры жыцьці. Галоўнае, як мага часцей размаўляць і расказваць пра іх подзвігі маладому пакаленню. Наш святы абавязак шанаваць іх пры жыцці, наведваць іх пры жыцці. Бо менавіта яны змаглі здабыць Перамогу такой працай, а шмат хто коштам уласнага жыцця».
Рыгор Іванавіч Кандакоў, Дзмітрый Уладзіміравіч Півень, Наталля Віктараўна Харлашова і Юрый Яцэнтавіч Раманоўскі
На пляцоўцы новага корпуса адкрылася выстава кафедры архітэктуры і дызайну «Нашы дасягненні дзякуючы Вам!». Поспехі студэнтаў кафедры вядомыя не толькі ў Беларусі, але і за яе межамі, і ўсе яны сталі магчымымі дзякуючы Вялікай Перамозе савецкага народа. У сваіх працах аўтары выказалі даніну павагі тым, хто аддаў свае жыцці ў барацьбе за свабоду і незалежнасць. Кожная карціна – гэта ўвасабленне надзеі, імкнення да жыцця тых, хто не вярнуўся з палёў бітваў. У творах заключана гісторыя, якую мы абавязаны перадаць наступным пакаленням, каб яны ведалі: нашы дасягненні – гэта вынік не толькі працы і зацятасці, але і вялікай мужнасці тых, хто калісьці змагаўся за Радзіму.
Выстава кафедры архітэктуры і дызайну «Нашы дасягненні дзякуючы Вам!»
Напярэдадні Дня Перамогі ў Наваполацку адбылося ўрачыстае адкрыццё памятнай дошкі «Яны ваявалі за Радзіму» пасля рэканструкцыі. Прадстаўнікі кіраўніцтва Полацкага ўніверсітэта прынялі ўдзел у цырымоніі ўскладання кветак у рамках мерапрыемства, прысвечанага 80-годдзю Перамогі савецкага народа ў Вялікай Айчыннай вайне.
Дзмітрый Уладзіміравіч Півень, прарэктар: «Памятаць і шанаваць памяць загінулых у гады кровапралітнай вайны – гэта наш святы абавязак. Сёння многія краіны спрабуюць перапісаць гісторыю. Мы – нацыя, якая прапісала ў галоўным законе краіны, Канстытуцыі Рэспублікі Беларусь, неабходнасць захавання гістарычнай памяці. Наш абавязак – разам з маладым новым пакаленнем асцярожна ставіцца да месцаў пахавання і памятных месцаў баявой славы».
Адкрыццё памятнай дошкі «Яны ваявалі за Радзіму»
Студэнты, выкладчыкі і супрацоўнікі ўніверсітэта сталі ўдзельнікамі мітынгаў ля помніка Ліліі Касцецкай і на тэрыторыі мемарыяльнага комплексу «Звязда» у мікрараёне Баравуха. Прадстаўнікі адміністрацыі, ваеннай кафедры і студэнцкага актыву на чале з рэктарам Юрыем Яцэнтавічам Раманоўскім ушанавалі памяць загінуўшых герояў у гады Вялікай Айчыннай вайны хвілінай маўчання і ўсклалі кветкі да падножжа мемарыяла.
Валерый Аляксандравіч Коваль, старшыня прафкама студэнтаў: «Сёння мы сабраліся тут, ля помніка Ліліі Касцецкай, каб аддаць даніну павагі ўсім, хто змагаўся за нашу свабоду. Вялікая Айчынная вайна – гэта не проста старонкі падручнікаў. Гэта лёсы мільёнаў людзей, гэта подзвіг, які нельга забываць.
Захоўваць памяць – значыць не толькі ўскладаць кветкі да манументаў. Гэта наша адказнасць перад тымі, хто падарыў нам свет. Распавядаць праўду, перадаваць гісторыі ветэранаў, вучыцца ў іх мужнасці – вось што значыць памятаць па-сапраўднаму. Няхай ніхто і ніколі не паўторыць жахаў вайны. У той жа час няхай ніхто не забудзе, якім коштам дасталася Перамога».
Прадстаўнікі Полацкага ўніверсітэта каля помніка Ліліі Касцецкай
Мікіта Балюк, студэнт фінансава-эканамічнага ўніверсітэта: «Сёння мы, маладое пакаленне, стаім перад вамі з пачуццём найглыбейшай падзякі і вечнага доўгу. 80 гадоў мінула з таго дня, калі савецкі народ атрымаў перамогу ў самай страшнай вайне ў гісторыі чалавецтва. 80 гадоў, але памяць пра подзвіг нашых дзядоў і прадзедаў не гасне.
Мы ведаем, якім коштам дасталася гэтая Перамога. Мільёны жыццяў, абарваных лёсаў і гераізм тых, хто ваяваў на фронце, працаваў у тыле, выжываў у блакадным Ленінградзе, ішоў праз канцлагеры і аднаўляў краіну з руін. Выстаяць тады – значыла падарыць будучыню нам, тым, хто не ведае жаху вайны.
Сёння мы жывем пад мірным небам, вучымся, будуем планы, марым. І ўсё гэта дзякуючы вам. Тым, хто ваяваў, не шкадуючы сябе. Тым, хто аддаў жыццё, каб мы маглі жыць. І не дай Бог перажыць нам тое, што перажылі нашы дзяды і прадзеды.
Моладзь лічыць сваім абавязкам памятаць вашу ахвяру, захоўваць праўду пра вайну і перадаваць яе з пакалення ў пакаленне. Мы будзем вартыя вашага подзвігу. Дзякуй вам, дарагія ветэраны, за мужнасць, стойкасць і вялікую Перамогу! Няхай ваш подзвіг ніколі не будзе забыты».
Ускладанне кветак да помніка Ліліі Касцецкай
На святочным канцэрце «Дзеля вас мы вечна жывыя!» гучалі песні і вершы ваенных гадоў у выкананні студэнтаў Полацкага ўніверсітэта. Кожны нумар быў прасякнуты глыбокімі эмоцыямі і шчырай павагай да подзвігаў тых, хто абараняў нашу Радзіму. Студэнты паказалі, што памяць аб мінулым жыве ў сэрцах маладога пакалення і яны шануюць свабоду і мірнае неба над галавой.
Святочны канцэрт «Дзеля вас мы заўсёды жывыя!»
Юрый Яцэнтавіч Раманоўскі, рэктар Полацкага ўніверсітэта: «Ужо заўтра мірная, квітнеючая Беларусь адзначыць вялікае свята – Дзень Перамогі! 80 гадоў міру і тварэння. 80 гадоў як нашыя дзяды, прадзеды, адзіны савецкі народ, перамог фашызм. Беларускі народ заплаціў страшную цану за Вялікую Перамогу. Перамога далася нашаму народу вялікай крывёй і болем.
Дзень Перамогі – гэта свята са слязамі на вачах. Кожны трэці, а на нашай шматпакутнай Віцебскай зямлі, кожны другі не дажыў да Вялікага Дня – да 9 траўня 1945 года, Дня Перамогі. Святы абавязак кожнага беларуса памятаць аб подзвігу байцоў чырвонай арміі, аб подзвігу партызан, падпольшчыкаў, якія, не шкадуючы сваіх сіл і жыццяў ні дня не далі ворагу адчуваць сябе гаспадарамі на непакоранай беларускай зямлі. Мы павінны мацаваць еднасьць нашай нацыі і быць ганарлівымі, што Мы – нашчадкі Пераможцаў.
Дарагія студэнты, ваш свяшчэнны абавязак зрабіць усё што б наступныя пакаленні не страцілі гэтую каштоўнасць – быць нашчадкамі Пераможцаў! Памяць пра герояў Вялікай Айчыннай вайны мусіць быць у вашых сэрцах, сэрцах Вашых дзяцей і Вашых унукаў.
Памяць пра гераічны подзвіг беларускага народа, памяць пра ўсенародны супраціў беларускага народа фашызму з'яўляецца цэментуючай асновай сучаснага беларускага грамадства. Дзеля нас яны вечна жывыя! З днём Вялікай Перамогі!»
Юрый Яцэнтавіч Раманоўскі
9 траўня 150 прадстаўнікоў Полацкага ўніверсітэта прымуць удзел у шэсці «Яны змагаліся за Радзіму!» у рамках рэспубліканскай акцыі «Беларусь памятае!». Гэта падзея стане важнай часткай Дня Перамогі: традыцыйна ў ёй прымуць удзел як маладыя людзі, так і прадстаўнікі старэйшага пакалення, аб'яднаныя агульнай памяццю пра подзвіг продкаў. План дня працягне культурна-забаўляльная праграма «Вясна 45-га»: «Партызанская вёска».
У Дзень Перамогі мы аддаём даніну павагі тым, хто аддаў свае жыцці дзеля нашай свабоды. Наш абавязак – памятаць пра іх і захоўваць іхнюю спадчыну. Няхай гэты дзень стане сімвалам нашай падзякі і імкнення да міру, якое мы перададзім наступным пакаленням.
