Сумесны праект Полацкага ўніверсітэта і Беларускай партыі «Белая Русь»

Курсы арганізаваны ў рамках праекта «Партыйная школа» – сумеснай ініцыятывы Полацкага ўніверсітэта і Беларускай партыі «Белая Русь». Праект дазволіў партыйцам атрымаць запатрабаваныя навыкі і актуальныя веды аб сусветным парадку дня, сітуацыі ў Рэспубліцы Беларусь і мэтах, якія ставіць перад сабой нашу дзяржаву.

Запрошаныя спікеры – лідэры меркаванняў і эксперты ў галіне паліталогіі, сацыялогіі і кіравання, якія падзяліліся сваім досведам і поглядамі на сучасныя выклікі, якія стаяць перад палітычнымі партыямі і грамадскімі аб'яднаннямі.

Лекцыі ўключалі розныя тэмы, якія ахопліваюць ключавыя аспекты працы палітычных партый і грамадскіх аб'яднанняў. У ліку спікераў як выкладчыкі Полацкага ўніверсітэта, так і прадстаўнікі ўлады, што дазволіла ўдзельнікам атрымаць усебаковы погляд на актуальныя пытанні.

Юрый Яцэнтавіч Раманоўскі, рэктар Полацкага ўніверсітэта: «Праект накіраваны на фарміраванне навыкаў і кампетэнцый у аднапартыйцаў напярэдадні важнай электаральнай кампаніі. Стаўшы сябрам партыі, кожны з нас пацвярджае, што мы прыхільнікі той палітыкі і ідэалогіі, якая рэалізуецца ў нас у дзяржаве. Мы павінны сфарміраваць дакладнае ўяўленне аб гэтых ідэях і ідэалогіі ў грамадстве, таму частка заняткаў будзе практычнай накіраванасці. Самае галоўнае, што павінна адбыцца, – гэта абмен досведам, які кожны з вас мае як кіраўнік».

Першую лекцыю, прысвечаную тэме «Гісторыка-ідэалагічныя аспекты сучаснага грамадства», прачытаў дэкан гуманітарнага факультэта Аляксей Леанідавіч Радзюк: «Вакол гэтага паняцця сёння занадта шмат сэнсаў і інсінуацый, якія не адлюстроўваюць сутнасці. Многія лічаць, што ідэалогія – гэта нешта аддаленае ад рэальнага жыцця і не нясе сур'ёзнага ўплыву на паўсядзённасць. Але гэта ня так. Яшчэ 10-15 гадоў таму ідэалагічную палітру нашай дзяржавы было дастаткова складана акрэсліць. Цяпер усё інакш».

На наступнай лекцыі Аляксей Леанідавіч прадставіў гістарычны агляд палітычных партый у Беларусі, іх стан і перспектывы развіцця. Удзельнікі атрымалі магчымасць зразумець, як мяняецца палітычны ландшафт краіны і як гэта ўплывае на дзейнасць іх партыі.

Лектар Святлана Уладзіміраўна Астапчук, старшы выкладчык кафедры тэхналогіі і методыкі выкладання, асвятліла механізмы далучэння да сацыяльных рухаў, абмеркавала суадносіны меркаванняў большасці і меншасці, а таксама характарыстыкі лідэраў. Гэтыя веды неабходны для эфектыўнага ўзаемадзеяння ўнутры партыйнай структуры і з грамадствам. Другое выступленне Святланы Уладзіміраўны было прысвечана псіхалагічным аспектам працы партый. Удзельнікі вывучылі важнасць разумення псіхалогіі як унутры партыі, так і сярод выбаршчыкаў.

Загадчык кафедры канстытуцыйнага і крымінальнага права Ірына Віктараўна Шахноўская асвятліла актуальныя праблемы, з якімі сутыкаецца дзяржаўная палітыка ў Рэспубліцы Беларусь, аналізуючы як тэарэтычныя аспекты, так і практычныя рэалізацыі сацыяльных ініцыятыў.

Крысціна Дзмітрыеўна Савіцкая, старшы выкладчык кафедры грамадзянскага права, расказала пра уплыў лічбавай культуры на грамадскія арганізацыі. Ва ўмовах імклівага развіцця тэхналогій важна ўмець адаптавацца і выкарыстоўваць лічбавыя інструменты для дасягнення мэт партыі.

У рамках Адзінага дня інфармавання ў Полацкім універсітэце адбыўся адкрыты дыялог, на якім выступілі дэпутат Палаты прадстаўнікоў Нацыянальнага сходу Рэспублікі Беларусь 8-га склікання Дзяніс Мікалаевіч Карась і генеральны дырэктар ЗАТ «Сталічнае тэлебачанне», чалец Вышэйшай палітычнай рады Беларускай партыі «Белая Русь» Аляксандр Аляксандравіч Асенка.

У сучасным свеце, дзе інфармацыя распаўсюджваецца з неймавернай хуткасцю, важна захоўваць крытычны падыход да таго, што мы чытаем і дзелімся. Як падкрэсліў у сваёй прамове Аляксандр Аляксандравіч Асенка, нацыянальныя сродкі інфармацыі накіраваны на тое, каб выдаваць праўдзівую інфармацыю. Заўсёды неабходна старанна правяраць крыніцы і пазбягаць паспешных высноў, асабліва калі інфармацыя выклікае моцныя, часам негатыўныя эмоцыі.

Падвёў вынікі праекту Дзмітрый Уладзіміравіч Дзямідаў, Старшыня Віцебскай абласной Рады дэпутатаў, Старшыня РГА Віцебскай абласной арганізацыі грамадскага аб'яднання «Белая Русь», чалец Вышэйшай палітычнай рады Беларускай партыі «Белая Русь»: «Тут сабраліся высокапрафесіяналы людзі, ідэолагі, адданыя свайму роднаму гораду і Рэспубліцы Беларусь. Тым ня менш, мы ўступаем у важны і адказны пэрыяд – электаральную кампанію. Нам неабходна пастаянна павышаць узровень сваёй ідэалагічнай падрыхтоўкі і выбудоўваць сістэму ўзаемадзеяння, каб эфектыўна супрацьстаяць негатыўным момантам, звязаным са спробамі дэстабілізаваць нашу краіну падчас бягучай кампаніі. Вучыцеся, рабіце высновы, бо ўсё залежыць ад нас, нашай падрыхтоўкі і дастойнага выканання грамадзянскага абавязку».