Першасная прафсаюзная арганізацыя студэнтаў

Дэвіз «Прафсаюз – твая сучаснасць будучыня»

Першасная прафсаюзная арганізацыя студэнтаў Полацкага дзяржаўнага ўніверсітэта імя Еўфрасінні Полацкай уваходзіць у склад галіновага прафсаюза работнікаў адукацыі і навукі. Галіновы прафсаюз з'яўляецца састаўной часткай Федэрацыі прафсаюзаў Беларусі (ФПБ) і ажыццяўляе сваю дзейнасць у адпаведнасці з Канстытуцыяй Рэспублікі Беларусь, Законам Рэспублікі Беларусь «Аб прафесійных саюзах», іншымі актамі заканадаўства Рэспублікі Беларусь, нормамі міжнароднага права. Гэта дае магчымасць адстойвання і абароны вашых прафесійных, сацыяльна-эканамічных, законных правоў і інтарэсаў прафкамам студэнтаў універсітэта ў адносінах з адміністрацыяй.
У нашай арганізацыі больш за 2 900 чалавек.

Мэты нашай арганізацыі:

• стварэнне і развіццё ў Полацкім дзяржаўным універсітэце імя Еўфрасінні Полацкай на аснове прафсаюзнай арганізацыі надзейнай сістэмы сацыяльнай і прававой абароны студэнтаў
• фарміраванне і развіццё ва УА «Полацкі дзяржаўны ўніверсітэт імя Еўфрасінні Полацкай» насычанага пазавучэбнага жыцця, якое спрыяе гарманічнаму развіццю студэнтаў