Агульная інфармацыя

Студэнцкая служба прававой дапамогі

Студэнцкая служба прававой дапамогі створана ў 2002 годзе ў рамках праекта праграмы Tempus-Tacis «Стварэнне сістэмы службаў студэнцкай падтрымкі ў ПДУ» дзеля пераадолення ў навучальным працэсе разрыву паміж практычнай і тэарэтычнай юрыдычнай адукацыяй праз развіццё ў студэнтаў навыкаў аказання юрыдычных паслуг і выхавання прафесійна значных рыс характару.

У наш час Студэнцкая служба прававой дапамогі з'яўляецца самастойным структурным падраздзяленнем Полацкага дзяржаўнага ўніверсітэта з непасрэдным падначаленнем рэктару ўніверсітэта.

Да працы ў Службе на добраахвотнай і бязвыплатнай аснове прыцягваюцца студэнты юрыдычнага факультэта другога – чацвёртага курсаў. Служба не з'яўляецца юрыдычнай асобай і не пераследуе мэты здабывання прыбытку ад ажыццяўлення сваёй дзейнасці.

Студэнцкая служба прававой дапамогі ўжыццяўляе дзейнасць па наступных асноўных кірунках:

інфармацыйна-прававая дапамога насельніцтву, у т. л. студэнтам і супрацоўнікам універсітэта (дармавая юрыдычная кансультацыя і складанне праектаў юрыдычных дакументаў);
правядзенне лекцый і семінараў па актуальнай праўнай тэматыцы для студэнтаў неюрыдычных спецыяльнасцяў, школьнікаў (навучальна-адукацыйная секцыя «Street law: права на кожны дзень»);
арганізацыя праваўжывальных трэнінгаў для студэнтаў юрыдычнага факультэта;
правядзенне семінараў, «круглых сталоў», навуковых канферэнцый і іншых мерапрыемстваў, скіраваных на развіццё юрыдычнай клінічнай адукацыі і навукова-даследчай дзейнасці студэнтаў.

Бясплатная юрыдычная дапамога аказваецца насельніцтву па ўсіх асноўных пытаннях рэалізацыі праў грамадзянаў у рамках галін грамадзянскага, сямейнага, жыллёвага, працоўнага і адміністрацыйнага права.

Студэнцкая служба прававой дапамогі не разглядае пытанні крымінальнага і крымінальна-працэсуальнага права і не кансультуе суб'ектаў прадпрыемніцкай дзейнасці.

Любая юрыдычная дапамога, прапанаваная супрацоўнікамі Службы, носіць рэкамендацыйны характар.

Дзейнасць службы прыпыняецца на перыяд экзаменацыйных сесій і канікул.

Студэнцкая служба прававой дапамогі адкрыта да супрацы.

Олесько
Сяргей Сяргеевіч

Старшыня Кансультацыйнай рады службы

Адрас: пас. Міжрэчча, вул. Мірная, 4а-1, каб. А2-03

Тэлефон: +375 33 337 99 12

E-mail:

Дзейнасць Службы

Мэты дзейнасці

Мэтамі дзейнасці Службы з'яўляюцца:

удасканальванне формаў і метадаў навучання студэнтаў юрыдычнага факультэта;
пераадоленне ў навучальным працэсе разрыву паміж практычнай і тэарэтычнай юрыдычнай адукацыяй праз развіццё ў студэнтаў навыкаў аказання юрыдычных паслуг;
выхаванне ў студэнтаў прафесійна значных рыс характару;
аказанне інфармацыйна-прававой дапамогі насельніцтву;
павышэнне прававой культуры насельніцтва і папулярызацыя прававых ведаў;
спрыянне развіццю юрыдычнай навукі.

Склад Студэнцкай службы

У склад Студэнцкай службы прававой дапамогі уваходзяць:

адміністратар;
назіральнікі (выкладчыкі юрыдычнага факультэта);
кансультанты (студэнты 3-4 курсаў юрыдычнага факультэта);
памагатыя кансультантаў (студэнты 2 курса юрыдычнага факультэта).

Кірункі дзейнасці

У структуры Службы ўтвараюцца спецыялізаваныя секцыі, якія забяспечваюць рэалізацыю асноўных кірункаў яе дзейнасці:

грамадская прыёмная па аказанні інфармацыйна-прававой дапамогі насельніцтву;
навучальна-адукацыйная секцыя «Street Law: права на кожны дзень».

Супрацоўнікі Студэнцкай службы прававой дапамогі маюць права браць удзел у дзейнасці адной або некалькіх секцый паводле свайго меркавання. У выніку ўдзелу ў дзейнасці Службы студэнты маюць магчымасць авалодаць патрэбнымі навыкамі юрыдычнага пісьма, уменнем тлумачыць палажэнні заканадаўства асобам, што не маюць адносіны да юрыдычнай дзейнасці, выпрацаваць алгарытмы ўжывання атрыманых тэарэтычных ведаў у розных галінах права да пэўных практычных сітуацый.

Інфармацыйна-прававая дапамога

Інфармацыйна-прававая дапамога насельніцтву аказваецца супрацоўнікамі Студэнцкай службы прававой дапамогі выключна пад кіраўніцтвам назіральнікаў. Асноўнымі формамі працы з кліентам з'яўляюцца кансультацыі і складанне юрыдычных дакументаў. Супрацоўнікамі Службы забяспечваецца прыватнасць атрыманай у выніку кансультацый інфармацыі.

Вышэйшым арганізацыйна-распарадчым органам Студэнцкай службы прававой дапамогі з'яўляецца Кансультацыйная рада на чале з Старшынём.

Агульнае вонкавае кіраўніцтва Службай ужыццяўляецца Адміністратарам праз кантроль і каардынацыю дзейнасці супрацоўнікаў, паданне іх зацікаўленасцяў ва ўзаемадзеянні са структурнымі падраздзяленнямі ўніверсітэта і юрыдычнымі клінікамі Рэспублікі Беларусь.

Студэнцкая служба прававой дапамогі актыўна супрацоўнічае з Публічным цэнтрам прававой інфармацыі Наваполацкай цэнтральнай бібліятэчнай сістэмы, Цэнтральнай бібліятэкай ім. Ф. Скарыны г. Полацка, Наваполацкім і Полацкім гарадскімі выканаўчымі камітэтамі, установамі адукацыі г. Наваполацка, а таксама юрыдычнымі клінікамі Рэспублікі Беларусь.

Карысныя Спасылкі