80 гадоў Перамогі савецкага народа ў Вялікай Айчыннай вайне: памяць, гонар, Слава

Вялікая Айчынная вайна 1941-1945 гадоў – вайна Саюза Савецкіх Сацыялістычных Рэспублік супраць нацысцкай Германіі і яе саюзнікаў (Італіі, Румыніі, Венгрыі, Фінляндыі, Швецыі, Харватыі, Іспаніі, Славакіі, Францыі, Японіі) – завяршылася перамогай Чырвонай Арміі і безумоўнай капітуляцыяй узброеных сіл Германіі.

Мэтай фашысцкіх захопнікаў было знішчэнне савецкай дзяржавы і завалоданне рэсурсамі краіны. На аснове нацысцкай расавай ідэалогіі праводзілася татальнае вынішчэньне, заняволенне, «анямечанне» мірнага насельніцтва.

Супраць ворага людзі ваявалі ўсюды: на фронце, у падполлі і партызанскіх атрадах, у тыле ля станкоў і за плугам. Вялікая перамога дасталася цаной найвялікшых ахвяр і каласальных намаганняў, стала пераканаўчым пацвярджэннем справядлівасці мэтаў, духоўнай згуртаванасці і яднання народа.

Гісторыя Вялікай Айчыннай вайны – гэта гісторыя вялікай мужнасці, гераічнай самаахвярнасці, трыумфу волі ў імя будучыні ўсяго чалавецтва.

Памяць пра тых, хто аддаў свае жыцці, абараняючы Радзіму, жыве ў нашых сэрцах.

Мы ганарымся подзвігам нашых продкаў, цэнім мір і свабоду.

Памятаючы пра мінулае, разам будуем будучыню!

---

Лагатып 80-годдзя Перамогі савецкага народа ў Вялікай Айчыннай вайне
Крыніца belta.by

Мерапрыемствы Полацкага дзяржаўнага ўніверсітэта імя Еўфрасінні Полацкай, прысвечаныя 80-годдзю з дня Вялікай Перамогі

• Ліпецк-Полацк: адна Радзіма – адна перамога

У 2024 годзе набліжаецца юбілей Вялікай падзеі для нашага народа – 80 гадоў з дня поўнага вызвалення Беларусі ад нямецка-фашысцкіх захопнікаў.

23 верасня 1943 года – дзень, які назаўсёды ўвайшоў у гісторыю Беларусі як пачатак вызвалення нашай краіны ад фашысцкай акупацыі. Пачалося яно з раённага цэнтра Камарын. У далейшым пераможнай хадой воіны Чырвонай Арміі прайшлі па тэрыторыі Беларусі з місіяй вызвалення ў рамках наступальнай аперацыі «Баграціён». Аперацыя названая ў гонар рускага палкаводца Пятра Іванавіча Баграціёна, які вызначыўся ў італьянскім і швейцарскім паходах Суворава ў 1799 год і атрымаў асаблівую вядомасць у ходзе кампаніі 1805 года, праславіўшыся ў бітве пры Шэнграбене, і Айчыннай вайны 1812 года.

Мемарыял «Аперацыя Баграціён», в. Ракавічы
Крыніца фота

У ходзе аперацыі «Баграціён» савецкая армія нанесла найбуйнейшае паражэнне нямецкай арміі за ўсю ваенную гісторыю Германіі, разграміўшы групу армій «Цэнтр» вермахта. Яна па праве лічыцца адной з найбуйнейшых ваенных аперацый за ўсю гісторыю чалавецтва, а для беларускага народа – самай лёсавызначальнай. Бо дзякуючы рашучым дзеянням 1,2,3 беларускіх і 1 Прыбалтыйскага франтоў у перыяд з 23 чэрвеня па 29 жніўня 1944 года беларуская зямля была цалкам вызвалена ад нацыстаў, якія тэрарызавалі, рабавалі і знішчалі наш народ. З гэтага моманту ўсе нягоды, пазбаўлення і цярпенне нельга было назваць марнымі. Але для Чырвонай Арміі выпрабаванні працягнуліся на палях бітваў у Еўропе ў пераможным маршы на Берлін, які набліжаў ўвесь савецкі народ да Вялікай Перамогі.

Вызваленне Беларусі – падзея, якую немагчыма пераацаніць у нашым лёсе. І для беларускага народа паважаць подзвіг вызваліцеляў і шанаваць памяць пра іх – найважнейшы абавязак перад продкамі.

У сувязі з гэтым 5 кастрычніка 2023 года Прэзідэнт Беларусі Аляксандр Рыгоравіч Лукашэнка падпісаў Указ № 316 «Аб падрыхтоўцы і правядзенні святочных мерапрыемстваў».

Дадзены дакумент прыняты ў мэтах каардынацыі дзейнасці дзяржаўных органаў і арганізацый, грамадскіх аб'яднанняў па падрыхтоўцы і правядзенні на высокім арганізацыйным узроўні святкавання 80-й гадавіны вызвалення Рэспублікі Беларусь ад нямецка-фашысцкіх захопнікаў і перамогі савецкага народа ў Вялікай Айчыннай вайне.

Увесь комплекс мерапрыемстваў дазволіць кожнаму беларусу раздзяліць пачуцці, якія аб'ядноўваюць кожнага з нас – гонар перамогі вызваліцеляў над злом і горыч страт і пакут нашага народа.

Мерапрыемствы Полацкага дзяржаўнага ўніверсітэта імя Еўфрасінні Полацкай, прысвечаныя 80-годдзю з дня вызвалення Беларусі

• Новыя праекты на карысць грамадства
• Сустракаем цягнік перамогі ў Полацку!
• Вялікаму подзвігу – памяць і падзяка пакаленняў
• Павага мінулага і адказнае стаўленне да будучыні
• Конкурс чытальнікаў паэзіі «Вайны пераможны радок»
• Памятаем, шануем і даражым
• Акцыя «Нам важна памятаць»
• У рэгіёнах Беларусі пачалі рэалізацыю ініцыятыў маштабнага Усебеларускага патрыятычнага праекта «Памяць пакаленняў у імя будучыні»
• Мітынг, прысвечаны памяці загінуўшых у гады Вялікай Айчыннай вайны
• Прэзентацыя праекта «Кніга памяць. Рэспубліка Беларусь. Віцебская вобласць»