Агульная інфармацыя

Студэнцкі цэнтр

Студэнцкі цэнтр установы адукацыі «Полацкі дзяржаўны ўніверсітэт» створаны ў 2002 годзе ў мэтах падтрымкі студэнцкай ініцыятывы, развіцця студэнцкага самакіравання і ў рамках рэалізацыі Міжнароднага праекта ТЕМПУС JEP «Стварэнне службы падтрымкі студэнтаў Полацкага дзяржуніверсітэта». Дзейнасць рэгламентуецца Палажэннем аб Студэнцкім цэнтры ПДУ, зацверджаным рэктарам універсітэта.

Студцэнтр ПДУ аб'ядноўвае і каардынуе студэнцкія службы, клубы і грамадскія аб'яднанні ўніверсітэта.

У сваёй працы абапіраецца на традыцыйныя ва ўніверсітэце формы студэнцкага самакіравання і актыўна выкарыстоўвае вывучаны і абагульнены досвед стварэння студэнцкіх службаў у заходнееўрапейскіх ВНУ.

Галоўная мэта дзейнасці – каардынацыя сістэмы студэнцкага менеджменту, рэалізацыя творчай ініцыятывы, павышэнне грамадскай актыўнасці, нацыянальнай самасвядомасці, сацыяльнай сталасці і адказнасці, інтэлектуальнага і культурнага ўзроўню студэнтаў.

Галоўнай задачай Студэнцкага цэнтра ПДУ з'яўляецца прадастаўленне магчымасці для ажыццяўлення розных форм рэгулярнай дзейнасці студэнцкіх службаў, клубаў і грамадскіх аб'яднанняў універсітэта і прадастаўленне студэнтам інфармацыі аб іх рабоце.

Студэнцкі цэнтр ПДУ:

дае магчымасць для рэалізацыі творчых ідэй, грамадскага і стваральнага патэнцыялу студэнтаў універсітэта шляхам падтрымкі дзейных студэнцкіх службаў, клубаў і грамадскіх аб'яднанняў, стварэння новых фарміраванняў па інтарэсах і аказання дапамогі ў ажыццяўленні іх дзейнасці.
спрыяе цеснаму супрацоўніцтву і ўзаемадапамозе паміж службамі ўнутры Студэнцкага цэнтра ПДУ, а таксама ўзаемадзеянню з падраздзяленнямі ўніверсітэта і іншымі зацікаўленымі асобамі і арганізацыямі
інфармуе студэнтаў універсітэта і грамадскасць аб студэнцкіх фарміраваннях, якія ажыццяўляюць арганізацыю пазавучэбнай дзейнасці студэнтаў
садзейнічае выданню студэнцкіх сродкаў масавай інфармацыі

Хадзючэнка
Анастасія Васільеўна

Каардынатар цэнтра

Тэлефон: +375 214 50 58 30
Адрас: вул. Блахіна, 30, Сацыяльна-інфармацыйны цэнтр ПДУ, каб. 22н
211440, г. Наваполацк
Віцебская вобл., Беларусь