Аддзел па сувязях з грамадскасцю

Аддзел па сувязях з грамадскасцю адыгрывае важную ролю ў стварэнні і падтрыманні станоўчага іміджу ўніверсітэта, а таксама ў забеспячэнні эфектыўнай камунікацыі са студэнтамі, выкладчыкамі, супрацоўнікамі і грамадскасцю ў цэлым, забяспечваючы актыўную дзейнасць універсітэта ў медыяпрасторы.

Нашая місія – максімальна спрыяць папулярызацыі ўніверсітэта. Асноўныя прынцыпы, якімі кіруецца аддзел, – інфармацыйная адкрытасць і аператыўнасць.

Аддзел па сувязях з грамадскасцю складаецца з трох сектараў, кожны з якіх выконвае спецыялізаваныя функцыі для дасягнення агульных стратэгічных мэт.

Сектар інфармацыі

• збірае, аналізуе і распаўсюджвае інфармацыю
• сочыць за актуальнымі падзеямі і дасягненнямі ўніверсітэта
• кіруе зместам сацыяльных сетак універсітэта: стварае мультымедыя кантэнт, які адлюстроўвае акадэмічнае жыццё, універсітэцкія мерапрыемствы, дасягненні студэнтаў, выкладчыкаў, вучоных, навуковыя даследаванні, праекты, партнёрскія адносіны
• падтрымлівае актыўнае ўзаемадзеянне з падпісчыкамі сацыяльных сетак, адказваючы на іх пытанні і даючы цікавую і карысную інфармацыю.
• ажыццяўляе камунікацыю са СМІ: устанаўлівае кантакты з журналістамі, арганізуе прэс-канферэнцыі і інтэрв'ю, распрацоўвае прэс-рэлізы і інфармацыйныя матэрыялы для СМІ

Сектар дызайну

• стварае айдэнтыку, якая адлюстроўвае каштоўнасці ўніверсітэта
• распрацоўвае ўнікальныя дызайнерскія рашэнні для інфармацыйных матэрыялаў, брашур, лагатыпаў, буклетаў, прэзентацый і іншых элементаў выявы універсітэта
• прадумвае візуальнае і тэхнічнае афармленне інтэр'ераў
• стварае прывабны і запамінальны вобраз універсітэта, які адлюстроўвае яго акадэмічную перавагу і інавацыйны падыход

Сектар кіравання сайтам

• адмініструе і падтрымлівае афіцыйны WEB-сайт універсітэта
• забяспечвае актуальнасць і даступнасць інфармацыі
• распрацоўвае новыя раздзелы і паляпшае функцыянальнасць, каб аблегчыць навігацыю для наведвальнікаў
• аптымізуе сайт для пошукавых сістэм, выводзячы ўніверсітэт у лідэры пошукавых запытаў